Ishte afër largimit, lojtari i Interit vendos të rinovojë

Denzel Dumfries mesa duket ka ndryshuar mendje dhe ka vendosur që të mos largohet nga Interi.

Mbrojtësi i djathtë i cili gjatë muajve të fundit është përfolur shumë për një largim në fund të këtij sezoni, është bindur të qëndrojë.

Sipas asaj që raportojnë mediat italiane 27-vjeçari i është rikthyer temës së rinovimit të kontratës me zikaltërit dhe u ka kërkuar agjentëve të tij që të rinisin bisedimet të cilat kishin “ngecur”.

Holandezi ka një kontratë të vlefshme deri në verën e vitit 2025, teksa kërkon që të rinovojë deri në 2027.

Në këtë sezon Dumfries ka qenë mjaft efektiv, ku ia ka dalë të shënojë 3 gola dhe të asistojë në 5 të tjerë.