Aventura e Simone Inzaghit në stolin e Interit mund të përfundojë realisht në Mynih, më 31 maj. Kështu të paktën pretendon SSC, një nga transmetuesit kryesorë të sportit në Arabinë Saudite, sipas të cilit trajneri i zikaltërve ka dhënë dritën jeshile për të finalizuar marrëveshjen me Al-Hilal.
Sipas TV saudit, Inzaghi do të jetë në pankinën e Al-Hilal për Kupën e Botës për Klube 2025 dhe pritet të shpallë lamtumirën e tij me Interin menjëherë pas finales së Champions League kundër PSG.
Me pak fjalë, ndeshja në Monako duhet të jetë e fundit e Inzaghit në krye të Interit dhe kështu të mbyllet një periudhë katërvjeçare suksesesh që trajneri do të donte t’i pasuronte me Champions League.
Në çdo rast, në ditët në vijim një njeri i afërt me trajnerin aktual duhet të fluturojë drejt Riadit për të finalizuar negociatat dhe për të përcaktuar detajet e një kontrate që do t’i garantojë trajnerit 25 milionë neto në sezon për dy vjet.
Kjo pavarësisht kontratës aktuale me Interin dhe premtimit, nga Marotta, për një rinovim deri në vitin 2027 me një rritje të lehtë pagash deri në 7 milionë.
Ish-deputeti demokrat Ervin Salianji, kërkon lirinë me kusht në Gjykatën e Fierit. Seanca për Salianjin do të zhvillohet sot në…
Gjatë Forumit Konsultativ të Prokurorëve të Përgjithshëm dhe Specialë të Ballkanit Perëndimor, kreu i Prokurorisë së Posaçme, Altin Dumani, u…
Me datën 8 korrik 2025, në orën 12:00, Gjykata e Lartë, do të shqyrtojë kërkesën e Erjon Veliajt, kryebashkiakut të…
Ish-banorja e "Big Brother Vip 4" Loredana Brati, është një nga emrat më të përfolur në mediat rozë, ka ndarë…
Ditën e sotme, mbi 27 mijë maturantë do t’i nënshtrohen provimit të Matematikës, pjesë e Maturës Shtetërore 2025. Ky…
Vetëm për një vit nga 2023 në 2024, popullsia e re në moshën 0-29-vjeç u tkurr me 29 mijë e…