Interi ka njoftuar zyrtarisht arritjen e marrëveshjes për transferimin e mesfushorit kroat Petar Sucic nga Dinamo Zagreb.
Talenti 21-vjeçar i bashkohet ekipit zikaltër pas një marrëveshjeje të finalizuar që në muajin shkurt, e cila tani është zyrtarizuar.
Transferimi i lojtarit u realizua për një shifër bazë prej 14 milionë eurosh, me shtesa të mundshme prej 2.5 milionë eurosh në formë bonusesh, si dhe një klauzolë përqindjeje në shitjen e ardhshme të lojtarit.
“Petar Sucic ka nënshkruar një kontratë pesëvjeçare me Interin, e cila do të fillojë zyrtarisht më 1 qershor 2025, dhe pritet të jetë një shtesë e rëndësishme për mesfushën e ekipit tonë”, thuhet në njoftimin e klubit italian.
“Sucic ka treguar cilësi të jashtëzakonshme gjatë kohës së tij te Dinamo Zagreb, ku ka spikatur për aftësitë e tij në pasimet progresive dhe kontrollin e lojës në mesfushë”, thuhet më tej.
Interi gjithashtu po punon për transferimin e radhës, atë të sulmuesit brazilian Luis Henrique nga Olympique Marseille, me marrëveshjen që tashmë është në fazat përfundimtare. /Telegrafi/
Ditën e sotme, besimtarët myslimanë festojnë sot Kurban Bajramin, festën që simbolizon sakrificën sublime të babait të profetëve, Ibrahimit a.s.…
Sot, më 6 qershor 2025, dollari amerikan, blihet me 84.8 lekë dhe shitet me 86.2 lekë. Euro, blihet me 97.5…
Këtë të premte, Shqipëria do të vijojë të mbetet nën ndikimin e masave ajrore me origjinë afrikane, duke sjellë mot…
Inter është në fazë kërkimi për një trajner të ri, me Chivu si kandidat kryesor. Bisedimet po zhvillohen në drejtimin…
Portugalia dhe Spanja do të përballen në finalen e Ligës së Kombeve. Finalja do të zhvillohet të dielën, në stadiumin…
Dashi Mundohuni të përfitoni nga fakti se yjet janë në anën tuaj dhe mund të keni mundësi të mira për…