Ia ka bërë “8 me 2”, Icardi paska nënshkruar kontratë me Wanda-n dhe s’mund të shpëtojë për 30 vite (FOTO LAJM)

Mauro Icardi thuhet se nënshkroi një kontratë me gruan Wanda Nara për të shpëtuar martesën e tyre – dhe kjo do të thotë se ai duhet t’i japë asaj të gjitha pasuritë e tij deri në vitin 2050.

Icardi dhe Wanda ka kohë që janë përfshirë në një sagë të hidhur martesore, shkruan SportBible.

Ata janë ndarë, janë bashkuar, janë ndarë sërish, por tani duket se do të kthehen bashkë për momentin. Megjithatë, përpjekja për t’u ribashkuar nuk ka ardhur pa sakrifica nga Icardi.

TYC Sports pretendon se sulmuesi i Paris Saint-Germain i ka dhënë Wandës të drejtat për të gjitha kontratat e tij, aktuale dhe të ardhshme, si dhe pronat që ai zotëron aktualisht.

Raporti pretendon se kontrata e Icardit do të zgjasë deri në vitin 2050, që do të thotë se ai do të jetë 57-vjeçar.

Kjo do të thotë se Wanda është tani pronarja e vetme e një kompanie të quajtur ‘World Marketing Football’, të cilën çifti e themeloi së bashku kur Icardi luante për Interin.

Të përfshira në atë paketë është një apartament në Milano dhe një shtëpi në liqenin e Komos në Itali, duke përfshirë honoraret e imazhit nga reklamat.

E gjithë kjo sagë filloi pasi Wanda akuzoi Icardin për tradhti me aktoren dhe modelen argjentinase China Suarez.

Ajo që pasoi ishte që Icardi fshiu profilin e tij në Instagram dhe gjithashtu nuk i ndjek të gjithë miqtë dhe shokët e tij të skuadrës.

Por dyshja i rikthyen raportet e tyre dhe këtë e konfirmuan më pas me publikimin e disa fotografive të përbashkëta në rrjetet sociale.