Erling Haaland dhe pjesa tjetër e futbollistëve të Manchester Cityt rrezikojnë të humbasin një shumë të konsiderueshme parash nëse vendosin të vazhdojnë qëndrimin te klubi pas një rënieje të mundshme nga Liga Premier, si pasojë e shkeljeve financiare.
None found
Manchester City do të rikthehet këtë fundjavë në kampionat, në ndeshjen e parë pas vendimit që e shpalli klubin fajtor për shumicën e akuzave lidhur me shkeljet financiare të kryera gjatë periudhës 2009–2018. Në atë interval, skuadra fitoi tre tituj të Ligës Premier. Të dielën, më 11 tetor, City do të luajë në Anfield kundër Liverpoolit.
Futbollistët aktualë të klubit nuk kanë bërë ende komente për vendimin, por agjentët e tyre besohet se mund të kenë nisur tashmë të kërkojnë informacion mbi pasojat e mundshme të situatës.
Një zbritje në kategori pritet të sillte largimin e shumicës së lojtarëve kryesorë. Haaland, ndërkohë, është përmendur paraprakisht si objektiv i mundshëm i Arsenalit dhe Barcelonës.
Sulmuesi norvegjez paguhet rreth 577 mijë euro në javë dhe, ashtu si lojtarët e tjerë të Cityt, nuk ka në kontratë një klauzolë që parashikon largimin në rast rënieje nga kategoria. Megjithatë, nëse klubi do të përfundonte në Championship, ai mund të rishikonte të ardhmen e tij, pasi do të rrezikonte të humbiste të gjitha bonuset e mundshme.
Gjatë grumbullimit të Norvegjisë në pushimin e kombëtareve, Haaland iu shmang angazhimeve mediatike. Pavarësisht kësaj, pritet që gjatë fundjavës ai të pyetet për këtë çështje.
Sipas Daily Mail, marrëveshjet e futbollistëve të Manchester Cityt përfshijnë tri pjesë kryesore: pagën bazë, një bonus për kualifikimin në Ligën e Kampionëve dhe një bonus të lidhur me përqindjen e minutave që lojtari mund të aktivizohet gjatë sezonit.
Suksesi i Cityt në fushë gjatë sezoneve të fundit ka bërë që thuajse të gjitha kushtet për përfitimin e këtyre bonuseve të realizohen.
Bonusi i bazuar te minutat e luajtura, megjithatë, llogaritet vetëm për ndeshjet në Ligën Premier, Ligën e Kampionëve, FA Cup dhe Carabao Cup. Për këtë arsye, një rënie e mundshme në Championship do të sillte anulimin e këtyre bonuseve.
Një nga skandalet më të mëdha të evazionit fiskal në historinë gjyqësore greke është zbuluar në Selanik dhe Halkidiki. Autoritetet…
Protestat kundër qeverisë së Edi Ramës dhe kërkesa për dorëheqjen e kryeministrit shqiptar kanë kaluar kufijtë e Shqipërisë, duke u…
Ai nuk ka aftësitë komunikuese të Benjamin Netanyahut dhe as reputacionin e një politikani që di të manovrojë në korridoret…
Një aksident i rëndë është shënuar në Egjipt, ku si pasojë e përplasjes së dy trenave, kanë mbetur të paktën…
Propozim ndryshimet e ligjit për privatizim të tokave nën objekte, e të cilat figurojnë në pronësi shtetërore, nuk parashohin afate…
Analisti gjerman i politikave për Ballkanin Perëndimor dhe bashkëthemeluesi i Këshillit për Politika të Demokratizimit (DPC), Kurt W. Bassuener, në…