Haaland del kundër drejtuesve për rinovimin, do largimin

Një ditë më parë shtypi gjerman zbuloi planet e Borussia Dortmund për të “blinduar” Erling Haaland me një kontratë të re që do ta bënte atë ndër më të paguarit në Europë në mënyrë që bomber norvegjez të qëndronte edhe një vit më shumë.

Synimet e drejtuesve janë edhe që Haaland të rinovojë duke korrigjuar klauzolën për ta rritur sa më shumë dhe për ta shitur ndoshta për shifra rekord në 2023, por duket se vet lojtari e mendon ndryshe bashkë me agjentin e famshëm, Mino Raiola.

“Luan si në oborrin e shtëpisë”, Luis Enrique elozhe për Gabin pasi theu rekordin
Ky i fundit po fërkon duart sepse ka marrë oferta që tani nga klube të mëdha si Man. City, Real Madrid dhe Chelsea për lojtarin madje për Raiolan, Haaland ishte shitur që këtë verë por ishte Dortmundi që frenoi gjithçka.

Klubi mendon që me Haaland mbushte gjithmonë stadium me 85 mijë tifozë e gjithashtu është lojtar kyç për të arritur në Champions ndaj dhe oferta e rinovimit është tunduese e në krahun tjetër ku plan përplaset me dëshirat e norvegjezit.

Siç shkruajnë, Haaland ka vendosur të largohet verën e ardhshme dhe nuk do të pranojë asnjë ofertë rinovimi dhe për të mos rrezikuar që ta humbasin lirë, në klubin verdhezi janë të detyruar ta shesin në verën tjetër.