Mundësia që Pep Guardiola të emërohet në krye të kombëtares italiane është rikthyer sërish në qendër të vëmendjes.
None found
Gabriele Gravina, presidenti i Federatës Italiane të Futbollit, ka konfirmuar se janë zhvilluar kontakte me teknikun spanjoll, por pa siguruar se bisedimet do të mbyllen me një marrëveshje.
Gravina ka sinjalizuar gjithashtu se Federata mund të bëjë edhe “përjashtime” në aspektin financiar për të përballuar pagën e Guardiolës.
Sidoqoftë, gazeta e njohur italiane La Gazzetta dello Sport raporton se pretendimi i trajnerit katalanas përbën pengesën kryesore.
Për të marrë drejtimin e “Azzurrëve”, Guardiola mësohet se ka kërkuar një pagë vjetore prej 20 milionë eurosh. Kjo shumë është dy herë më e madhe se oferta që Federata Italiane kishte parashikuar në fillim.
Mediumi italian ngre mundësinë që një kërkesë e tillë të jetë paraqitur qëllimisht për ta bërë të paarritshme marrëveshjen dhe për ta shtyrë Italinë të heqë dorë.
Më herët, Guardiola ka lënë të kuptohet se synon të pushojë pasi të ketë përfunduar një dekadë në stolin e Manchester Cityt, përpara se të angazhohet në një tjetër projekt të madh.
Pavarësisht vështirësive, drejtuesit italianë ende e vlerësojnë atë si kandidatin ideal. Paolo Maldini dhe Leonardo, të përfshirë në projektin sportiv të kombëtares së Italisë, e kanë Guardiolën si alternativën e parë, por nuk janë të gatshëm ta sigurojnë me çdo çmim.
Nëse palët nuk gjejnë gjuhën e përbashkët, Andrea Pirlo kryeson listën e kandidatëve të tjerë, i ndjekur nga Roberto Mancini dhe Antonio Conte.
Kombëtarja italiane ndodhet në një prej etapave më të vështira të historisë së saj futbollistike, pasi nuk ka arritur të kualifikohet në tri edicionet e fundit të Kupës së Botës: 2018, 2022 dhe 2026.
Deputeti i Lëvizjes Vetëvendosje, Ilir Kërçeli, ka publikuar të dhënat e Doganës së Kosovës për importin e energjisë elektrike. Sipas…
Deputeti i Lëvizjes Vetëvendosje, Ilir Kërçeli, ka publikuar të dhënat e Doganës së Kosovës për importin e energjisë elektrike. Sipas…
Dorëheqja e Jensen Huang nga drejtimi i gjigantit amerikan të teknologjisë Nvidia, pas raportimeve për disa marrëdhënie jashtëmartesore, përfshirë një…
Dorëheqja e Jensen Huang nga drejtimi i gjigantit amerikan të teknologjisë Nvidia, pas raportimeve për disa marrëdhënie jashtëmartesore, përfshirë një…
Shtatë nga tetë çerekfinalistët e Ligës së Kombeve për edicionin 2026/27 tashmë janë përcaktuar. Pas ndeshjeve të së hënës, Gjermania…
Një ngjarje tragjike ka tronditur komunitetin në Misuri të SHBA-së, ku një zjarrfikëse 36-vjeçare ka humbur jetën pasi ka rënë…