Futbollisti me origjinë shqiptare, Brajan Gruda, pati rol kyç në suksesin e RB Leipzigut kundër PSV Eindhovenit, teksa performancat e tij të fundit dëshmojnë një ecuri gjithnjë e më të mirë.
None found
Talenti 22-vjeçar po jetën një moment shumë pozitiv te RB Leipzig, duke treguar vlerat e tij edhe në arenën më prestigjioze evropiane. Gruda ishte protagonist absolut i fitores minimale 1-0 të ekipit gjerman ndaj PSV Eindhovenit në Champions League, duke realizuar golin e vetëm të takimit dhe duke u vlerësuar nga Sofascore me notën maksimale 9.0 si lojtari më i mirë i sfidës.
Momenti vendimtar erdhi në minutën e 75-të, kur pas një topi të mbetur në zonë nga një goditje këndi, Gruda e kontrolloi me qetësi dhe e dërgoi topin në cep të portës kundërshtare, duke i siguruar Leipzigut tre pikë jashtëzakonisht të çmuara. Ai luajti 76 minuta dhe gjatë kësaj kohe realizoi katër goditje drejt portës, tri prej të cilave ishin në kuadrat, ndërsa krijoi edhe tri mundësi për shokët e skuadrës.
Një tjetër aspekt i spikatur i paraqitjes së tij ishte aftësia për të avancuar me top në këmbë. Në këtë mënyrë, Gruda u shndërrua në figurën qendrore të një fitoreje që i dha Leipzigut pikët e para në fazën e ligës së Ligës së Kampionëve.
Ecuria e Grudës te RB Leipzig ka shënuar përmirësim të vazhdueshëm, me lojtarin që ka marrë vlerësime të ndryshme në ndeshjet e fundit.
Më 22 gusht, ndaj Heidenheimit, ai u notua me 8.4, ndërsa shtatë ditë më vonë, përballë Borussia Mönchengladbachut, mori notën 8.8. Rrugëtimi vijoi me notën 6.6 kundër Comos më 10 shtator, 7.4 ndaj Hamburgut më 13 shtator dhe 6.5 kundër Bayer Leverkusenit më 20 shtator.
Megjithatë, kulmi i kësaj serie erdhi pikërisht më 13 tetor ndaj PSV Eindhovenit, kur Gruda shënoi golin e fitores dhe u shpall lojtari i ndeshjes me notën 9.0 nga Sofascore.
Como ka regjistruar një fitore tepër të madhe në udhëtim te Lens, në kuadër të xhiros së katërt të fazës…
Arsenali ka shënuar një fitore të vështirë në udhëtim te Slavia e Pragës.Pavarësisht që favorit i padiskutuehsëm, skuadra angleze fitoi…
Kërkimet për 69-vjeçarin, Hamit Ibro janë duke vazhduar nën rrënojat e pallatit të shkatërruar nga shpërthimi që ndodhi ditën e…
Aktivisti Dritan Goxhaj ka lëshuar kritika të forta ndaj Partisë Demokratike, duke akuzuar opozitën se po përpiqet të krijojë përçarje…
Në qendër të debatit mediatik është rikthyer çështja e të drejtave të pensionit për emigrantët që kanë punuar për dekada…
Rinis pas ndërprerjes së përkohshme operacioni i kërkim-shpëtimit në pallatin e dëmtuar rëndë nga shpërthimi i fuqishëm në lagjen “Beqir…