Granit Xhaka, një nga figurat kyçe dhe lojtarët më të rëndësishëm të Bayer Leverkusenit, festoi fitoren e titullit të kampionit të Bundesligës së Gjermanisë të dielën.
Përveç suksesit dhe lavdisë që sjell një titull kampioni në aspektin sportiv, përfundimi i këtij sezoni gjithashtu ofron përfitime financiare të mëdha për lojtarët dhe stafin e Bayer Leverkusenit.
Mediumi gjerman “Bild” ka raportuar se trajneri i skuadrës, Xabi Alonso, është i përfshirë në një bonus prej 500 mijë frangash zvicerane, i cili është parashikuar në kontratën e tij nëse arrin të fitojë titullin kampion deri në vitin 2026.
Disa nga lojtarët e tij po ashtu kanë në kontratat e tyre bonuse për një fitore të titullit, të cilat arrijnë në shifra deri në 250 mijë franga zvicerane, duke u varur nga numri i paraqitjeve gjatë sezonit.
Mediat zvicerane si “20min.ch” zbulojnë se Xhaka gjithashtu të pritet të marrë një bonus të ngjashëm për rolin e tij në suksesin e madh të klubit. Megjithatë, ambiciet e Xhakës nuk përfundojnë me kaq, ai tani synon të fitojë trofe të tjera me ekipin e tij, si Liga e Evropës dhe Kupa e Gjermanisë.
Natyrisht, me këto objektiva të ardhshme, vijnë edhe bonuse financiare të tjera që mund të shtojnë në bashkëpunimin e tij me klubin.
Këto bonuse nuk vetëm që e shpërblejnë atë për suksesin sportiv, por gjithashtu konfirmojnë angazhimin dhe ndikimin e tij te klubi si një lider i vërtetë në fushë dhe jashtë saj. /Telegrafi/
Dashi Do luani shume me ndjenjat e partnerit tuaj sot dhe do e lëndoni tej mase atë. Marrëdhënia mes jush…
Askush nuk të jep para falas, dhe këtë shqiptarët duhet ta kishin mësuar nga skemat piramidale të vitit 1997. Por…
Izraeli tha të hënën se po kërkonte tërheqjen e një raporti mbi të cilin OKB-ja u mbështet për të shpallur…
Ndërsa Holanda shkon drejt zgjedhjeve dhe disa ministrat kanë dhënë dorëheqjen, kryeministri Dick Schoof dhe kabineti i tij sot kanë…
Një tjetër aksident i rëndë rrugor raportohet të ketë ndodhur mbrëmjen e sotme në aksin rrugor Elbasan-Librazhd pranë zonës së…
Kryeministri Edi Rama raportohet se e ka bërë gatin listën me emrat e rinjë me të cilët do të qeverisë…