Gjyqtari italian Marco Di Bello do të jetë pjesë e ekipit të gjyqtarëve në duelin që Real Madridi do ta zhvillojë ndaj Leipzigut në Ligën e Kampionëve, përkundër suspsendimit të tij të fundit në Serie A.
42-vjeçari prodhoi një ndër shfaqjet më të dobëta të ndarjes së drejtësisë në histori të ligës, në duelin mes Lazios dhe Milanit, duke humbur plotësisht kontrollin e ndeshjes dhe duke dhuruar 11 kartonë të verdhë dhe tre kartonë të kuq.
Di Bello ishte kritikuar gjerësisht nga të gjitha anët në shtypin italian dhe puna e tij e dobët ka bërë që ai të marr një dënim të rëndë në Serie A, duke iu pamundësuar ndarja e drejtësisë për të paktën një muaj.
Ka pasur gjithashtu pretendime se pas rikthimit ai do të jetë në gjendje të ndajë drejtësinë vetëm në ndeshjet e Serie B.
Ashtu siç u njoftua nga UEFA, Di Bello do të jetë pjesë e ekipit të gjyqtarëve në ndeshjen Real Madrid – Leipzig që do të zhvillohet të mërkruën (6 mars), përkundër veprimeve të tij që rezultuan me suspendim në Serie A.
42-vjeçari do të jetë në cilësinë e gjyqtarit të katërt në këtë ndeshje, ndërsa Davide Massa do të jetë gjyqtari kryesor. Stefano Alassio dhe Filippo Meli do të jenë dy ndihmësit e tij, ndërsa Massimiliano Irrati dhe Paolo Valeri do ta kenë fjalën në VAR.
Di Bello tashmë kishte shkaktuar polemika këtë sezon, pasi u suspendua për një muaj në javët e para të sezonit për paraqitjen e tij të dobët në ndeshjen mes Juventusit dhe Bolonjës që ishte luajtur në gusht. /Telegrafi/
Këtë të hënë, për shkak të protestës së lajmëruar nga Partia Demokratike, Policia e Tiranës, ka ndërmarrë një plan masash…
Në Gjykatën e Prishtinës janë administruar prova për vrasjen e Liridona Ademajt. Pamjet tregojnë momentin nga darka e fundit e…
Pas debateve dhe tensioneve të fundit brenda shtëpisë së Big Brother VIP Albania, aktorja dhe fituesja e edicionit të kaluar,…
Në dosjen hetimore të AKSHI-t, dokumentohet me pamje takimet e Ergys Agasit me Ermal Beqirin dhe drejtoreshën e këtij institucioni…
Dashi Sezoni i Bricjapit i vendos ambiciet tuaja në plan të parë, duke ju kërkuar të reflektoni mbi koston e…
Një aksident i rëndë rrugor ka tronditur Indonezinë, pasi një autobus pasagjerësh u përmbys në një autostradë në ishullin Java,…