Barcelona shpreson të shesë disa lojtarë këtë verë, dhe një prej tyre që mund të largohet është Marc-Andre Ter Stegen.
Pavarësisht se është kapiteni i klubit, për sezonin 2025/2026 ai pritet të bëhet portieri i tretë në hierarki, pasi në vendet e para pritet të jenë portieri i ri Joan Garcia dhe Wojciech Szcesny.
Ter Stegen tashmë ka folur për spekulimet mbi të ardhmen e tij te Barcelona, duke bërë të qartë pa asnjë dyshim se dëshiron të qëndrojë në Kataloni edhe për të paktën një sezon tjetër.
Por klubet janë të gatshme ta provojnë vendosmërinë e tij, duke ditur se ai ka shumë pak mundësi për të luajtur para Kampionatit Botëror të Klubeve që zhvillohet verën e ardhshme.
Galatasaray është një nga klubet që ka ndjekur nga afër situatën e Ter Stegenit dhe, sipas raportimeve të Sport, ata kanë nisur bisedimet me Barcelonën lidhur me kushtet për një marrëveshje të mundshme.
Galatasaray kërkon një portier titullar për shkak të largimit të Fernando Musleras dhe kanë kontaktuar Barcelonën për të mësuar nëse klubi katalanas ka ndërmend të pranojë një ndërprerje të përbashkët të kontratës me Ter Stegen, të cilin ata dëshirojnë ta transferojnë pa pagesë.
Barcelona mund të konsiderojë këtë opsion për të kursyer pagën e Ter Stegen për tre vitet e mbetura të kontratës së tij, por sipas raportimeve, vetë lojtari nuk ka ndërmend ta pranojë këtë, pasi dëshira e tij është të qëndrojë te kampionët e La Ligas.
Gjithashtu raportohet se Ter Stegen nuk është prioriteti kryesor i Galatasaray për pozicionin e portierit, pasi objektivi i tyre i parë është Djordje Petrovic nga Chelsea.
GJKKO ka dënuar me burg avokatin Bardhi Koçi për ushtrim ndikimi të paligjshëm ndaj personave që ushtrojnë funksione publike dhe…
Sulmuesi i Kombëtares Myrto Uzuni ka qenë i ftuar së fundmi në emisionin “Mirëmbrëma yje”, e moderuar nga Arbana Osmani.…
Këngëtarja e njohur shqiptare, Anjeza Branka, përmes një postimi në rrjetet sociale, ka ndarë lajmin e trishtë të ndarjes nga…
Presidenti rus Vladimir Putin ka sulmuar sot udhëheqësit evropianë, duke i tallur ata si "derra të vegjël" dhe tha se…
Gazetarja e njohur Klodiana Lala, ka deklaruar se skandali i zbuluar në Agjencinë Kombëtare të Shoqërisë së Informacionit (AKSHI), është…
SPAK dërgoi një ditë më parë kërkesën në Kuvend për heqjen e mandatit të Belinda Ballukut, me qëllim arrestimin e…