Legjionarët kuqezi kanë mbyllur një tjetër fundjavë pozitive, teksa një pjesë e tyre kanë bërë paraqitje fantastike dhe kanë shënuar edhe gola.
Sokol Cikalleshi ishte protagonisti kryesor me dy gola të shënuar në sfidën që Konyaspor fitoi 2-0 ndaj Kayserispor. Cikalleshi realizoi dy herë nga pika e bardhë e 11 metrave dhe u vlerësua si më i miri i ndeshjes me notën 8, nga sajti i specializuar për statistika sofascore.
Taulant Seferi gjeti sërish rrugën e rrjetës në Emiratat e Bashkuara Arabe. Sulmuesi kuqezi shndërroi në gol një penallti në pjesën e dytë dhe skuadra e tij Bani Yas fitoi 2-1 ndaj Ittihad Kalba.
Edhe Arbnor Muja gjeti rrugën e rrjetës këtë fundjavë. Sulmuesi kuqezi realizoi një gol të bukur në fundin e pjesës së parë për skuadrën e Antwerp. Në fund sfida ndaj Westerlo përfundoi 2-2.
Te goli pas një kohe të gjatë u rikthye edhe Anis Mehmeti. Mesfushori kuqezi realizoi golin e dytë për Bristol City, që fitoi ndaj Hull City me rezultatin 3-2.
Rey Manaj vazhdon formën e mirë, teksa ishte sërish protagonist, këtë herë në sfidën Sivasspor – Istanbulspor, që përfundoi 1-0. Manaj shënoi golin e vetëm të takimit në minutën e 86-të dhe i dhuroi fitoren skuadrës së tij.
Titullarë me skuadrat e tyre u aktivizuan edhe Elhan Kastrati, Berat Gjimshiti, Frederic Veseli, Ylber Ramadani dhe Armando Broja, ndërkohë dhanë kontributin e tyre si zëvendësues edhe Kristjan Asllani dhe Nedim Bajrami. /Telegrafi/
Dashi Dite e paqëndrueshme kjo e sotmja për ata qe janë ne një lidhje. Do ju duhet te toleroni me…
Barcelona duhet të largojë disa lojtarë përpara se të nënshkruajë me një sulmues të ri nga krahu i majtë këtë…
Aktori shumë i dashur shqiptar, Herion Mustafaraj, i cili prej vitesh jeton dhe punon në Shtetet e Bashkuara të Amerikës,…
Një turist belg është plagosur mbrëmjen e kësaj të diele në bregdetin e Shkëmbit të Kavajës, pasi është rrëzuar në…
Paris Saint-Germaini ka marrë fitore me rezultat të thellë 4-0 ndaj Atletico Madridit në kuadër të Grupit B në Kupën…
Kuvendi i Shqipërisë zhvillon nesër në mesditë seancë plenare, e hënë, ora 13:00. Rendi i ditës është si më poshtë…