FOTO/ Futbolli shqiptar në zi, ndahet nga jeta trajneri legjendar vlonjat

Këtë të diel u nda nga jeta në moshën 88-vjeçare Skënder Brahimaj, një nga figurat më të dashura dhe legjendare të futbollit vlonjat.

Skënder Brahimaj u lind në 19 shtator 1936 në Lepenicë të Vlorës. Në moshën 17-vjeçare nis karriera e tij futbollistike me ekipin e Flamurtarit.

Në vitin 1962 shpallet një nga 10 futbollistët më të mirë të Shqipërisë.

Karriera e tij futbollistike zgjati plot 20 vite.

Më pas ai shërbeu si trajner futbolli.

Në mesin e viteve ’80, Skënder Brahimaj emërohet trajner i ekipit të Tepelenës.

Ishte pikërisht aty ku ai zbuloi, përgatiti dhe ndihmoi në karrierën e tij talentin Fotaq Strakosha, ish-portier i kombëtares shqiptare gjatë viteve ‘90-2000.

Skënder Brahimaj ka marrë në dorë drejtimin e ekipit të Flamurtarit disa vite si trajner e më pas edhe si Shef i Klubit Flamurtari.

Profesor Skënder Brahimaj ka edukuar e përgatitur shumë breza futbollistësh të mirënjohur, si Uran Xhafa, Gezim Troqe, Cane Ahmeti, Kreshnik Çipi e se fundmi Fotaq Strakosha.

Pasioni dhe përkushtimi për sportin e futbollit e ka kthyer Skënder Brahimaj në një nga legjendat e këtij sporti në qytetin e Vlorës dhe jo vetëm.