Categories: sport

Florin Bratu para derbit me Dinamon: Partizani lufton për titullin, Kupën dhe Europën

Partizani do të përballet nesër me Dinamo City në javën e katërt të “Abissnet Superiore”. Derbi do të luhet në stadiumin “FK Vora”, në orën 16:00, ndërsa para kësaj sfide trajneri i të kuqve, Florin Bratu, foli për mediat mbi përgatitjet dhe pritshmëritë e skuadrës.

Të lidhura

None found

“Ky është derbi i parë i sezonit për ne dhe pas fitores ndaj Vllaznisë kërkojmë të japim një tjetër përgjigje pozitive. Përballë do të kemi një skuadër që ka marrë pjesë në Kupat e Evropës, ndaj na nevojitet përqendrim maksimal nga të gjithë. Dinamo është një kundërshtar i fortë dhe pres një ndeshje të vështirë. Përgatitjet gjatë kësaj jave kanë shkuar mirë dhe e presim me shumë interes sfidën e nesërme”, u shpreh Bratu.

Lidhur me mundësinë e ndryshimeve në formacion, trajneri i Partizanit tha se vendimi përfundimtar ende nuk është marrë. “Do të presim edhe ditën e sotme. Nuk e kam përcaktuar ende formacionin titullar, pasi të gjithë lojtarët kanë treguar gjendje të mirë fizike gjatë javës. Secili prej tyre ka mundësi të luajë”, deklaroi ai.

Bratu komentoi edhe orarin e takimit, duke theksuar vështirësinë që mund të sjellin temperaturat e larta. “Ndeshja nuk do të jetë e lehtë për shkak të temperaturave të larta në atë orar. Megjithatë, stadiumi i Vorës nuk ka ndriçim dhe për këtë arsye sfida do të zhvillohet në orarin e përcaktuar”, tha trajneri.

Pas derbit me Dinamon, Partizani do të përballet me Egnatian, por Bratu nënvizoi se për momentin vëmendja është vetëm te sfida e radhës. “Fillimisht duhet të mendojmë për Dinamo City dhe nuk dua të fokusohem tani te ndeshja me Egnatian. Ajo që mund të premtoj është se Partizani do të luftojë ndaj çdo kundërshtari. Objektivat e klubit janë të njohura: jemi një nga klubet më të mëdha të Shqipërisë dhe është normale që të synojmë titullin, Kupën dhe pjesëmarrjen në Kupat e Evropës”, u shpreh ai.

Sa i përket faktit që Partizani ka ruajtur një grup më të pandryshuar krahasuar me ekipet e tjera, Bratu e cilësoi këtë një avantazh. “Është diçka pozitive për ne. Kemi lojtarë me shumë eksperiencë dhe besoj fort tek ata. Gjatë merkatos kemi afruar futbollistë në pozicionet ku kishim nevojë”, theksoi trajneri i të kuqve.

Bratu konfirmoi gjithashtu se ka diskutuar me Fadairon për mënyrën se si luan Dinamo dhe për skemat e trajnerit Daja. “Është normale të flasim me Fadairon për trajnerin e Dinamos. Edhe disa lojtarë të Partizanit kanë punuar më parë me trajnerin Daja. Kjo është diçka normale, por këto mbeten sekretet tona”, përfundoi ai.

të fundit

Kërçeli rejects claim over “€1 billion”: €6.5 million worth of energy was imported from Serbia

Deputeti i Lëvizjes Vetëvendosje, Ilir Kërçeli, ka publikuar të dhënat e Doganës së Kosovës për importin e energjisë elektrike. Sipas…

2 hours ago

Kërçeli kundërshton pretendimin për “1 miliardin”: Nga Serbia u importuan 6.5 milionë euro energji

Deputeti i Lëvizjes Vetëvendosje, Ilir Kërçeli, ka publikuar të dhënat e Doganës së Kosovës për importin e energjisë elektrike. Sipas…

3 hours ago

Jensen Huang’s resignation rocks Nvidia: Espionage suspicions expose bigger issues

Dorëheqja e Jensen Huang nga drejtimi i gjigantit amerikan të teknologjisë Nvidia, pas raportimeve për disa marrëdhënie jashtëmartesore, përfshirë një…

4 hours ago

Dorëheqja e Jensen Huang trondit Nvidia-n: dyshimet për spiunazh zbulojnë çështje më të mëdha

Dorëheqja e Jensen Huang nga drejtimi i gjigantit amerikan të teknologjisë Nvidia, pas raportimeve për disa marrëdhënie jashtëmartesore, përfshirë një…

4 hours ago

Liga e Kombeve ka shtatë çerekfinalistë, Danimarka dhe Norvegjia vendosin biletën e fundit

Shtatë nga tetë çerekfinalistët e Ligës së Kombeve për edicionin 2026/27 tashmë janë përcaktuar. Pas ndeshjeve të së hënës, Gjermania…

4 hours ago

36-year-old firefighter dies after falling from a cliff while hiking in Missouri

Një ngjarje tragjike ka tronditur komunitetin në Misuri të SHBA-së, ku një zjarrfikëse 36-vjeçare ka humbur jetën pasi ka rënë…

5 hours ago