Presidenti i Real Madridit, Florentino Perez thuhet se ka vendosur të “sakrifikojë” dhe të shesë Vinicius Junior nëse sulmuesi i Paris Saint-Germain Kylian Mbappe arrin në Santiago Bernabeu këtë verë.
Kanë kaluar pak më shumë se dy javë më parë që kur drejtori i OK Diario, Eduardo Inda raportoi në programin e popullarizuar El Chiringuito de Jugones se Real Madridi po konsideronte një shitje të sulmuesit anësor, Vinicius Jr.
None found
Tani është gazeta e njohur sportive Sport, e cila raporton se pikërisht ylli brazilian do të jetë i sakrifikuari për transferimin e Mbappes, pasi vendimi është marrë edhe nga një perspektivë futbolli.
Kjo për shkak se besohet se Vinicius dhe Mbappe janë “të papajtueshëm” në fushë pasi ata të dy zënë krahun e majtë të sulmit – edhe pse francezi është më se i aftë të luajë edhe si qendërsulmues.
Perez e sheh Mbappen si lojtarin më të mirë të planetit në të ardhmen, ndërsa Vinicius Jr – edhe pse padyshim lojtar i klasit botëror – nuk është bërë “Neymar i ri” që pritej prej tij kur Real Madridi i pagoi 45 milionë euro klubit të fëmijërisë, Flamengo, për shërbimet e tij në vitin 2018.
Gazeta Sport sugjeron se Vinicius Jr duke u tallur me golin e tij me dorë në fitoren 3-2 të së dielës ndaj Almerias, i jep Perezit arsye për të kërkuar largimin e tij gjithashtu, në një shenjë të polemikave të pafundme të 23-vjeçarit që shpesh e shohin atë të përplaset me lojtarët kundërshtar dhe tifozët e tyre.
Nëse Vinicius Jr do të dilte vërtet në treg për shkak të ardhjes së Mbappe – i cili, sipas Footmercato tashmë ka rënë dakord për kushtet me Real Madridin – ai do të kishte pafund ekipe të interesuara për transferimin e tij.
Gjigantët e Ligës Premier, Manchester United, janë lidhur me një lëvizje për brazilianin kohëve të fundit ashtu sikurse ekipi aktual i Mbappes, PSG, që mund të jenë gjithashtu të interesuar ta bëjnë atë zëvendësuesin e francezit në Parc des Princes. /Telegrafi/
Publikohen pamjet nga brenda lavanderisë në katin e pestë të pallatit në qendër të Sarandës, e cila u përfshi nga…
Fituesi i edicionit të katërt të Big Brother VIP Kosova, Londrim Mekaj, po shijon disa ditë pushimi në Ibiza, Spanjë.…
Presidenti i La Ligës, Javier Tebas, ka rrëfyer se si lindi pasioni i tij për futbollin dhe përkrahja për Real…
Këto pamje janë siguruar këtë të martë nga News24 dhe Balkanweb në Kopshtin Zoologjik të Tiranës, ku në temperatura që…
Bashkimi Evropian ka reaguar ndaj deklaratave të presidentit serb, Aleksandar Vuçiq, për mundësinë e ndryshimit të rrjedhës së lumit Ibër,…
Aktakuza e ngritur ndaj Milan Radoiçiqit për krime lufte ndaj 20 personave në Gjakovë ka rikthyer në vëmendje jo vetëm…