Fisnik Asllani pritet të largohet nga Hoffenheimi për të vazhduar karrierën te RB Leipzig, me transferimin e sulmuesit kosovar që tashmë ka hyrë në fazën përfundimtare dhe mund të zyrtarizohet brenda ditëve në vijim.
None found
Gazeta gjermane Bild bën të ditur se 23-vjeçari nuk do të udhëtojë me Hoffenheimin drejt Seefeldit në Austri, ku skuadra do të zhvillojë kampin stërvitor, pikërisht për shkak të negociatave të avancuara për largimin e tij.
Sipas të njëjtit burim, klubet kanë arritur thuajse marrëveshje për të gjitha çështjet. Për t’u përcaktuar kanë mbetur vetëm disa hollësi të kontratës ndërmjet Leipzigut dhe përfaqësuesve të futbollistit.
Mungesa e Asllanit në takimet e fundit miqësore të Hoffenheimit kishte nxitur më tej spekulimet se ai do të largohej gjatë kësaj vere.
Në garë për reprezentuesin e Kosovës kishin qenë edhe emra të mëdhenj si Borussia Dortmund dhe Barcelona, megjithatë RB Leipzig duket se është në pozicionin më të favorshëm për të siguruar firmën e tij.
Marrëveshja aktuale e Asllanit me Hoffenheimin përmban një klauzolë lirimi me vlerë 30 milionë euro. Deri tani, kjo klauzolë nuk është aktivizuar zyrtarisht nga Leipzigu.
Bild raporton se pritja lidhet me gjendjen e repartit sulmues të Leipzigut. Klubi ka aktualisht në përbërje Romulon, Conrad Harder dhe talentin Samba Konaté, ndaj drejtuesit synojnë të vendosin fillimisht për të ardhmen e njërit prej tyre dhe më pas të përmbyllin transferimin e kosovarit.
Hoffenheimi do të humbiste një lojtar të rëndësishëm me largimin e Asllanit, por brenda klubit ekziston bindja se skuadra është përgatitur për këtë mundësi. Gjatë verës janë afruar futbollistë si Nathan De Cat dhe Patrick Wimmer, ndërsa planifikimi i ekipit konsiderohet pothuajse i përfunduar, ndonëse afati kalimtar ende nuk është mbyllur.
Një nënë në Kolumbi është bërë virale në rrjetet sociale pasi u fut pa hezitim në një arenë demash për…
Autoritetet në Korenë e Jugut kanë zbuluar 111 raste të dyshuara për shkelje të rregullave të provimit kombëtar të pranimit…
Një nënë në Kolumbi është bërë virale në rrjetet sociale pasi u fut pa hezitim në një arenë demash për…
Autoritetet në Korenë e Jugut kanë zbuluar 111 raste të dyshuara për shkelje të rregullave të provimit kombëtar të pranimit…
Arsene Wenger nuk ka hequr dorë nga ideja për ta ndryshuar rregullin e pozitës jashtë loje. Pasi propozimi i tij…
Sinoptikania e Shërbimit Meteorologjik Ushtarak, Besa Sherollari, ishte sot në një lidhje të drejtpërdrejtë televizive, ku bëri parashikimin e motit…