Ferran Torres drejt Parisit, shtohen dyshimet për një kalim te PSG-ja

Një vizitë e papritur e Ferran Torres në Paris ka ndezur edhe më shumë zërat për një afrim të mundshëm të sulmuesit të Barcelonës me Paris Saint-Germain.

Gazetari Gerard Romero raporton se qëllimi i udhëtimit mbetet i panjohur, por nuk përjashtohet mundësia që kampioni i botës me Spanjën të zhvillojë takime me drejtuesit e klubit francez përpara afatit kalimtar të verës.

Torres ndodhet ende me leje pas pjesëmarrjes në Kupën e Botës 2026 dhe planifikon t’i bashkohet seancave stërvitore të Barçës më 12 gusht.

Megjithëse qarkullojnë lajme se lojtari ka pranuar një marrëveshje me skuadrën kampione të Evropës, drejtuesit katalanas ende nuk kanë në tavolinë ndonjë propozim zyrtar nga klubi parizien.

Barcelona po synon ta mbajë atë me një kontratë të re afatgjatë, por gjasat janë të pakta, sidomos pas deklaratave të fundit të sulmuesit që lënë të kuptohet për një ndarje të mundshme.

Çmimi i kartonit të Torres llogaritet rreth 55 milionë euro, por një marrëveshje përfundimtare mund të arrijë shifra edhe më të larta. //