Feronikeli ’74 kërkon fitoren e parë, Malisheva synon të vijojë me rezultate pozitive

Feronikeli ’74 dhe Malisheva kanë bërë publike 11-shet startuese për përballjen e javës së tretë të Albi Mall Superligës së Kosovës.

Ndeshja do të luhet në stadiumin Rexhep Rexhepi, ku skuadra drenicase do të presë Malishevën nga ora 16:30.

Pas dy humbjeve në dy javët e para, Feronikeli ’74, i drejtuar nga Elon Berisha, kërkon të marrë pikët e para të sezonit në shtëpi.

Malisheva e Thomas Brdaric vjen në këtë takim me një fitore dhe një barazim, ndaj synimi i saj është të sigurojë suksesin e radhës ose të largohet të paktën me një pikë.

Të dy trajnerët kanë zgjedhur formacionet më të forta në dispozicion për këtë duel.

Feronikeli ’74: Odyntsov; Musa, Halili, Thaqi, Prodani; Taipi, Baholli, Shabani; Prapashtica, Zogu, Drljo;

Malisheva: Avdyli; Pira, Skovgaard, Kryeziu, Bajraktari; Vitija, Ferati; Isgandarli, Xhylani, Uka; Ibishi;