Erling Haaland është bërë pjesë e Ligës Premier vetëm 18 muaj më parë, por tifozët e Manchester United ende e ‘vajtojnë’ faktin se ekipi i tyre i zemrës nuk bëri më shumë përpjekje për transferimin e tij.
Sulmuesi norvegjez arriti në brigjet angleze me një rekord të pabesueshëm të golave dhe ishte njëri ndër akterët kryesor në fitimin e tripletës historike sezonin e kaluar. Fatkeqësisht për United, ata e dinë më së miri se sa vdekjeprurës mund të jetë Haaland.
None found
Haaland tashmë është përballur me Unitedin tri herë, duke shënuar pesë gola dhe duke regjistruar katër asistime.
Por, gjërat mund të kishin përfunduar në anën e kundërt sepse Haaland ka pasur mundësinë që të luaj për “Djajtë e Kuq” dhe jo të jetë kundërshtar i tyre.
Ish-trajneri i Manchester United, Ole Gunnar Solskjaer, ishte njëri nga personat e parë që e njohu talentin e jashtëzakonshëm të Haaland pasi kishte punuar me të tek ekipi norvegjez Molde. Një ribashkim i tyre në ‘Old Trafford’ dukej më se i logjikshëm, por në fund Haaland përfundoi duke nënshkruar për Borussia Dortmundin.
Për këtë çështje Gary Neville e kishte pyetur Haalandin shkurtimisht pas ardhjes së tij tek Man City.
“Ole ishte trajneri yt. Si ka mundësi që nuk je pjesë e Manchester United”, ishte pyetja e Neville, ndërsa përgjigja e Haaland ishte e thjeshtë: Ju duhet ta pyesni atë.
Solskajer në anën tjetër, kishte zbuluar vitin e kaluar se ai e kishte sugjeruar Haalandin tek United shumë kohë më herët para se ai të përfundonte në radarin e klubeve të mëdha evropiane.
Gjatë asaj kohe Haaland ishte në dispozicion për vetëm katër milionë euro, por hierarkia e klubit vendosën që ta injorojnë këshillën e Solskjaerit. /Telegrafi/
Rezultatet e provimit të Matematikës në Maturën Shtetërore 2026 tregojnë një përmirësim të lehtë krahasuar me një vit më parë.…
Një rast dhune në familje është regjistruar pasditen e kësaj të shtune në Pogradec. Bashkëshorti ka dhunuar rëndë gruan e…
Deri të martën do të dihet gjithçka, atëherë do të kemi epilogun përfundimtar. Shumë ide dhe opsione janë në tavolinë,…
Ministri i Punëve të Brendshme, Pançe Toshkovski, deklaroi se vetëm pesë muaj pas vendosjes në funksion të sistemit “Qyteti i…
Temperatura të paprecedenta për muajin qershor po vazhdojnë të përfshijnë mbarë Evropën, teksa vala e të nxehtit po godet gjithë…
Sot në orën 19:00 do të mbahet protesta e 28-të kombëtare për largimin e Edi Ramës nga pushteti, ndërsa organizatorët…