Categories: sport

Erjon Vishkulli nga spitali në Romë: Mirënjohje për shqiptarët që më qëndruan pranë në ditët e vështira

Erjon Vishkulli, 28-vjeçari i plagosur në sy gjatë një prej protestave studentore, ka përcjellë një mesazh falënderimi nga shtrati i spitalit “Policlinico Gemelli – Roma”. Ai u është drejtuar të gjithë shqiptarëve që e kanë mbështetur gjatë këtyre ditëve të vështira.

Vishkulli ka shprehur mirënjohjen e veçantë për shokët, miqtë, familjarët dhe shqiptarët kudo në botë, të cilët i kanë qëndruar pranë përmes mesazheve, telefonatave, fjalëve të ngrohta dhe lutjeve.

Të lidhura

None found

“Çdo fjalë e juaja më ka dhënë forcë, shpresë dhe kurajë për të vazhduar përpara. Në një moment kur zemra ka nevojë për mbështetje, ju më treguat se nuk jam vetëm. Solidariteti, dashuria dhe respekti që më keni dhuruar kanë një vlerë të jashtëzakonshme për mua”, shkruan i riu.

Ai u godit në sy nga një plumb gome dhe, pas transportimit me urgjencë në Spitalin e Traumës, mjekët përcaktuan se nevojitej një ndërhyrje e specializuar jashtë vendit. Për këtë arsye, autoritetet shtetërore morën menjëherë masat për dërgimin e tij në Romë.

Mjekët italianë kryen ndërhyrjen e specializuar në sy, e cila fatmirësisht përfundoi me sukses. Aktualisht, Erjon Vishkulli ndodhet në fazën e rikuperimit të shikimit. Ndërkohë, në Tiranë, Prokuroria ka nisur hetimet ndaj oficerit që qëlloi me pushkë.

“Faleminderit të gjithë shqiptarëve, kudo që jeni, që më keni treguar se zemra shqiptare është gjithmonë pranë njëri-tjetrit, në ditët e mira dhe sidomos në ditët e vështira.

Mbi të gjitha, falënderoj Zotin për forcën, jetën dhe shpresën që më jep çdo ditë. Lutem që kjo sfidë të kalojë me sukses dhe që të gjithë të kemi shëndet e bekime.

Zoti ju shpërbleftë secilin për dashurinë dhe mbështetjen tuaj! Mirënjohje pafund, u shtofshin Shqiptarët e mirë”, përfundon mesazhi i Erjon Vishkullit.

të fundit

Duka: Shqipëria bëri gjithçka për Grudën, por ai zgjodhi Gjermaninë

Shqipëria ka bërë gjithçka për ta bindur Brajan Grudën, por dëshira e tij gjithnjë ka qenë Gjermania, kështu ka deklaruar…

8 minutes ago

Pochettino për rrezikun e rënies së Unitedit: “Duhet ta pranojmë realitetin

Trajneri Mauricio Pochettino ka pranuar se Manchester United duhet ta përballojë realitetin e vështirë, pasi skuadra e tij pësoi humbje…

9 minutes ago

Aksident tragjik në Itali, humb jetën 31-vjeçarja shqiptare, tre fëmijë plagosen

Një 31-vjeçare me origjinë shqiptare ka humbur jetën në një aksident të rëndë automobilistik në Itali, ndërsa tre fëmijë që…

19 minutes ago

Rama in Bitola with students and rectors: Those who want to knock are afraid of those who throw stones, promises digital library for Albanian

Kryeministri Edi Rama gjatë vizitës së tij në Manastir, në Europe House, pati edhe një takim me të rinjtë nga…

20 minutes ago

Property accusations, case against former MP Jurgis Çyrbja dismissed, prosecution: he committed no criminal offense

Hetimi për tokat ndaj ish-deputetit socialist Jurgis Çyrbja, që dy vite më parë i kushtoi mandatin është mbyllur pa ngritjen…

21 minutes ago

New government in Serbia questions agreements with Kosovo; EU: Belgrade’s commitments remain in force

Lista Studentore (Studentska lista), e cila në zgjedhjet parlamentare të 25 tetorit i dha fund sundimit 14-vjeçar të Aleksandar Vuçiqit…

22 minutes ago