Eriksen: “U largova nga kjo botë për pesë minuta”

Christian Eriksen, futbollist i Brentfordit, kujtoi arrestin kardiak që pësoi me Danimarkën gjatë Kampionatit Evropian dhe tha se kujton gjithçka që ndodhi, përveç pesë minutave në të cilat u largua nga “kjo botë”.

Danezi, i cili ende nuk ka një datë të caktuar për të debutuar, ka dhënë një intervistë për rrjetin britanik BBC, në të cilën ka shqyrtuar rikthimin e tij në futboll dhe atë që ndodhi në atë ndeshje midis Danimarkës dhe Finlandës në Kampionatin Evropian.

“Mbaj mend gjithçka përveç pesë minutave. Më kujtohet rivënia, topi më goditi gjurin dhe nuk e di se çfarë ndodhi më pas. U zgjova me shumë njerëz rreth meje dhe presion në gjoks, duke u përpjekur të merrja frymë. Nuk e kuptoja se çfarë po ndodhte, “tha Eriksen.

Fillova të mendoj nëse kisha thyer këmbët, shpinën. Po përpiqesha të lëvizja gjithçka për të kuptuar se çfarë po ndodhte. Pastaj në ambulancë dëgjova dikë që thoshte: “Sa kohë ka qenë jashtë?” dhe një tjetër u përgjigj: “pesë minuta”. Ishte hera e parë që dëgjoja që isha larguar”, shtoi ai

“Do të jetë shumë e veçantë të rikthehem në një fushë futbolli dhe të luajë pas shtatë apo tetë muajsh. Do të jetë e pabesueshme,” tha Eriksen. /albeu.com/