Teuta hidhet “all-in” për Sherif Kallakun, mesfushori largohet gjithnjë e më shumë nga Vllaznia

Ndonëse Sherif Kallaku ka kontratë me Vllazninë deri në verën e vitit 2027-të, e ardhmja e mesfushorit ofensiv duket çdo ditë e më pak e lidhur me skuadrën shkodrane.

“Newsport.al” ka mësuar se Teuta, e udhëhequr nga trajneri Edlir Tetova, po tregon interes të madh për 28-vjeçarin dhe është e gatshme të bëjë maksimumin për ta afruar në skuadër.

Kallaku vlerësohet si një nga figurat kyçe të ekipit, si edhe një element thelbësor në ndërlidhjen e reparteve. Në rast se klubi durrsak arrin ta transferojë, kjo do të konsiderohej goditja më e madhe e merkatos së verës në Superiore.

Gjatë sezonit të fundit, ai zbriti në fushë në 41 ndeshje në të gjitha kompeticionet, duke regjistruar 5 gola dhe 5 asiste. Sipas “Transfermarkt”, vlera e lojtarit në fjalë shkon deri në 550 mijë euro.