Klubi i Egnatias ka bërë disa lëvizje të rëndësishme në merkato gjatë janarit, për të përforcuar radhët me lojtarë cilësorë. Por paralelisht me afrimet e reja, klubi po punon edhe për zgjatjen e kontratave të futbollistëve ekzistues në radhët e rrogozhinasve.
Sot, klubi ka bërë të ditur se ka zgjatur marrëveshjen me Albano Aleksin dhe Renato Malotën. Mesfushori u afrua gjatë verës në radhët e Egnatias dhe është kthyer në një nga shtyllat e ekipit gjatë pjesës së parë të sezonit që sheh Egnatian si kryesuese të shkëputur nga ndjekësit në Superiore. Edhe mbrojtësi ka qenë pjesë e rëndësishme e këtij rrugëtimi dhe po ashtu, ka zgjatur me një tjetër vit akordin.
“Klub Futboll Egnatia njofton se ka arritur të rinovojë kontratën me mesfushorin Albano Aleksi. 31-vjeçari ka firmosur kontratën e re me klubin tonë deri në vitin 2025”, shkruhej në njoftimin e klubit për mesfushorin.
“Klub Futboll Egnatia njofton se ka arritur të rinovojë kontratën me kapitenin Renato Malota deri në vitin 2025. Malota luan sezonin e dytë me fanellën e Egnatias ku në sezonin e tij të parë fitoi Kupën e Shqipërisë duke shkruar emrin në historinë e klubit tonë”, njoftoi klubi nëpërmjet rrjeteve sociale për mbrojtësin. /abcnews.al
Pamje dramatike janë publikuar nga mediat e huaja të sulmit me dy viktima në Universitetin Brown në SHBA. Në video…
Në paketën fiskale që shoqëron buxhetin e vitit 2026, qeveria shqiptare ka propozuar disa masa të reja që synojnë reduktimin…
ELBASAN – Një nga operacionet më të mëdha kundër krimeve mjedisore në vitet e fundit është finalizuar nga Drejtoria Vendore…
Kryeministri Edi Rama ka komentuar sërish kthimin e Belinda Ballukut në detyrë pas vendimit të Gjykatës Kushtetuese. Kryeministri Rama tha…
Aksi rrugor Kakavijë–Janinë, në kryqëzimin e fshatit Kallpaq, do të jetë i bllokuar për disa orë për shkak të protestës…
Në mbledhjen e kryesisë së PD, kreu i PD-së, Sali Berisha dhe Ervin Salianji janë përfshirë në debat, ku shkak…