Egnatia është “macja e zezë”, Laçi tenton të “thyejë” mallkimin

Egnatia – Laçi është një nga duelet mjaft interesante të javës së 23-t ëtë Superiores. Kjo sfidë do të luhet ditën e shtunë në orën 13:30 në “Egnatia Arena”.

Rrogozhinasit vijnë si kryesues në këtë përballje dhe ndaj kurbinasve shihen si favoritë, ndërsa nga krahu tjetër bardhezinjtë prej 7 ndeshjesh nuk e njohin humbjen dhe do të tentojnë një tjetër rezultat pozitiv në Rrogozhinë.

Për “djemtë” e Mirel Josës nuk do të jetë aspak e lehtë, pasi Egnatia është si “macja e zezë”, pasi në 8 përballjet e fundit mes tyre janë rrogozhinasit ata që dominojnë. Në plot 6 sfida skuadar e Edlir Tetovës ka dalë fitimtare, ndërsa dy sfida të tjera janë mbyllur në barazim. Fitorja e fundit e skuadrës së Laçit ndaj Egnatias daton në prill të 2022.

Ditën e shtunë bardhezinjtë do të synojnë të “thyejnë” mallkimin dhe të marrin fitoren e parë ndaj Egnatias në këtë sezon, pasi edhe dy ndeshjet e kaluara kanë përfunduar në favor të rrogozhinasve. /newsport.al/