Julian Alvarez vendosi fitoren e Atletico Madridit me rezultatin 1-0 ndaj Deportivo La Corunas të shtunën dhe pas ndeshjes kërkoi falje për komentet se dëshiron të luajë për Barcelonën.
Me golin e shënuar për të dytën ndeshje radhazi, sulmuesi argjentinas ndihmoi Atletico të afrohej në dy pikë nga Barcelona, kryesuese e La Ligës. Më pas, ai iu kthye deklaratës që kishte ndikuar në marrëdhënien e tij me tifozët madrilenë.
None found
Në një prononcim për televizionin spanjoll Movistar Plus, Alvarez u kërkoi ndjesë tifozëve për fjalët e thëna gjatë Kupës së Botës, duke pranuar se kishte gabuar si në mënyrën e shprehjes, ashtu edhe në kohën kur e bëri deklaratën.
Ai tha se e kupton zemërimin e tifozëve dhe se, po të ishte në vendin e tyre, do të ndihej po njësoj, veçanërisht duke marrë parasysh mbështetjen që i kanë dhënë që prej ardhjes së tij.
Gjatë Kupës së Botës 2026, Alvarez kishte shprehur dëshirën për të përmbushur ëndrrën e tij dhe për të luajtur te Barcelona. Deklarata hapi debat për të ardhmen e tij, i cili vijoi gjatë përgatitjeve dhe afatit kalimtar të verës, kur Atletico nuk pranoi ta shiste te rivali i saj.
Këtë sezon, tifozët vendas e kanë pritur disa herë me vërshëllima. Megjithatë, pas golit ndaj Deportivo La Corunas, disa prej tyre u ngritën në këmbë dhe e duartrokitën.
Alvarez shprehu shpresën se mund ta përmirësojë situatën përmes punës së palodhur dhe përulësisë. Ai shtoi se është ndier më mirë në ndeshjet e fundit, si fizikisht, ashtu edhe në lojën me topin, dhe se synon të ndihmojë ekipin duke dhënë maksimumin.
Atletico është e dyta në renditje me 25 pikë. Real Madridi, i treti me 21 pikë, do të luajë të dielën ndaj Barcelonës në Camp Nou, në El Clasicon e parë të këtij sezoni.
Një plagë me armë zjarri në zonën e këmbës është vërejtur te 38-vjeçari i cili mëngjesin e sotëm u gjet…
Rryma për amvisëritë nga 1 janari në Maqedoninë e Veriut mund të shtrenjtohet për 2 deri në 3 për qind,…
Një plagë me armë zjarri në zonën e këmbës është vërejtur te 38-vjeçari i cili mëngjesin e sotëm u gjet…
Rryma për amvisëritë nga 1 janari në Maqedoninë e Veriut mund të shtrenjtohet për 2 deri në 3 për qind,…
Pronari i Milanit, Gerry Cardinale, ka folur për planet e klubit italian në afatin kalimtar të janarit, duke konfirmuar se…
Ndërsa vëmendja ndërkombëtare është përqendruar te konflikti me Iranin, Koreja e Veriut po zgjeron infrastrukturën e saj bërthamore. [...] Read…