E padëgjuar më parë, ish-ylli i Arsenalit dëmton pronën e fqinjëve me sharrë elektrike

Jens Lehmann ka sulmuar në mënyrë të çuditshme garazhin e fqinjit të tij me një sharrë elektrike, sipas raportimeve në Gjermani.

Ish-portieri legjendar i Arsenalit thuhet se ka pasur një mosmarrëveshje të gjatë me ata fqinjë për pronën e tyre që me sa duket i bllokon pamjen e tij nga liqeni i bukur Starnberg.

Dhe siç raportohet nga “Bild”, Lehmann mori një sharrë elektrike me zinxhir dhe preu disa trarë të çatisë me të.

Artikulli vazhdon duke pretenduar se 52-vjeçari u përpoq dhe dështoi të fikte një kamerë sigurie, duke rezultuar në transmetimin e drejtpërdrejtë të sulmit tek pronari.

Thuhet se ai ka shkaktuar dëme në vlerë prej qindra paund me sharrë elektrike me motor.

Policia më pas u thirr në pronën e Lehmann dhe tani po heton nëse ish-ylli i Gjermanisë është fajtor për tre raste të tjera vandalizmi me vlerë më shumë se 8,500 paund.

Besohet se ai ka pasur një marrëdhënie të dobët me fqinjët e tij për një kohë të gjatë dhe i ka raportuar ata për ‘dëmtim të pronës dhe detyrim’, duke besuar se garazhi i ri është në tokën e tij.

Lehmann ka jetuar pranë liqenit piktoresk Starnberg në Bavari për 15 vitet e fundit pasi bleu pronën e tij aktuale për 4.2 milionë paund ndërsa me Arsenalin, ku ai luajti saktësisht 200 herë në të gjitha garat dhe ishte numri 1 në sezonin e tyre më të mirë.

Ai u shkarkua nga bordi i Hertha Berlin vitin e kaluar pasi një mesazh racist në WhatsApp u shfaq në internet, pas së cilës ai kërkoi falje publike./ h.ll/albeu.com