“E njohim Hungarinë, por duam të bëjmë befasi të madhe” – Emërllahu flet pasi iu bashkua Kosovës

Lindon Emërllahu është kthyer te ekipi A i Kosovës, pas një paraqitje shumë të mirë me shpresat ndaj Gjermanisë U21 ku morën një barazim pa gola.

Mesfushori ka thënë se barazimi ndaj Gjermanisë ishte i madh, ndërsa shtoi se do të tentojnë të bëjnë befasi të madhe edhe ndaj Hungarisë.

“Është ndjenjë e papërshkrueshme të jem këtu, pasi që Kombëtarja ka plot futbollistë me eksperiencë që luajnë në top klube evropiane”.

“Për mua është një rikthim shumë i mirë pas një lëndimi që kisha. Shpresoj ta japi kontributin tim në ndeshjen e ardhshme kundër Hungarisë”.

“E dimë që Hungaria lojtarë shumë të mirë dhe është një ekip mjaftë i fortë, por edhe ne kemi një ekip me lojtarë mjaftë cilësor dhe besoj që do të jetë një befasi shumë e madhe”, ka thënë Emerllahu.

Të martën nga ora 19:00 në Budapest, Hungaria do ta pres Kosovën në ndeshjen e dytë miqësore të muajit mars.

“Dardanët” vijnë pas një fitore si mysafir ndaj Armenisë me rezultat 1-0, ku Milot Rashica shënoi golin e vetëm në ndeshje. /Telegrafi/