E konfirmon drejtori sportiv i Bayern, Salihamidzic: Lewa do të largohet

Drejtori sportiv i Bayern Munich, Hasan Salihamidzic, konfirmoi se Robert Lewandowski dëshiron të largohet nga klubi gjatë verës.

Lewandowski është objektivi kryesor i Barcelonës pasi një lëvizje e mundshme për Erling Haaland u përjashtua. Sulmuesi polak ka marrë një ofertë nga Barcelona dhe mbetet të shihet nëse dy skuadrat do të arrijnë marrëveshje, pasi lojtarit i ka mbetur edhe një vit në marrëveshje.

“Kam folur me Lewa,” tha Salihamidzic për “Sky Germany”.

“Gjatë bisedës ai më informoi se nuk donte të pranonte ofertën tonë për vazhdimin e kontratës dhe se do të donte të largohej nga klubi.

“Ai tha se do të donte të provonte diçka të re, por pozicioni ynë nuk ka ndryshuar, Lewa ka kontratë deri më 30 qershor 2023. Ky është një fakt”.

Bayern Munich nuk pritet të bjerë dakord për transferimin e tij për më pak se 40 milionë euro dhe kërkesat e tij për paga janë të larta.

Barcelona dëshiron të nënshkruajë me një sulmues dhe një anësor verën e ardhshme. Por për momentin, Blaugranët nuk kanë fonde për ta bërë këtë.

Lewandowski është objektivi kryesor i Barcelonës dhe mbetet për t’u parë nëse vendimi i tij për të mos rinovuar kontratën e tij me Bayern Munich do ta çojë atë në Camp Nou, pasi pala gjermane mund të shikojë të fitojë para prej tij tani në vend që ta lërë të largohet falas në vijim./ h.ll/albeu.com