E kërkoi një vit më parë në skuadër, një tjetër shans për Kristjan Asllanin në Turqi?

Kristjan Asllani, është zyrtarisht edhe një herë një futbollist i Interit, pasi Beshiktashi nuk ushtroi të drejtën e blerjes së kartonit të tij nga zikaltrit pas huazimit që nga janari.

Por situata mund të ndryshojë përsëri e të ketë një prapakthehu për shkak të zhvillimeve të fundit.

Klubi turk ka gjetur akordin me trajnerin Vinçenco Italiano, i cili i dha lamtumirën Bolonjës pak ditë më parë. Ai ka udhëtuar sot drejt Turqisë dhe pritet të firmosë me klubin e qytetit të Stambollit. Dhe kjo është një mundësi e mirë për Asllanin, pasi trajneri e ka vlerësuar edhe më parë atë.

Në të kaluarën, Italiano ka kërkuar shërbimet e tij si në vitet te Fiorentina, ashtu edhe në sezonin e fundit të Bolonja, ku ai provoi disa herë të siguronte firmën e futbollistit të Kombëtares shqiptare, Transferimi i tij tashmë te Beshiktashi, mund t’i hapë rrugë një etape të dytë për Asllanin në klubin turk, ku ai vetë u shpreh se ishte ambientuar mjaft mirë.