Drita fitoi 2-1 në transfertë kundër Llapit, në takimin e vlefshëm për javën e dhjetë të Albi Mall Superligës së Kosovës.
None found
Suksesi ishte i dyti radhazi në kampionat për skuadrën e Ardian Nuhiut. Pas fitores ndaj Ballkanit para disa ditësh, gjilanasit mposhtën edhe ekipin e Tahir Batatinës, duke e zhytur më tej Llapin në krizë.
45 minutat e para u zhvilluan në ekuilibër, me të dyja skuadrat që patën disa mundësi shënimi. Megjithatë, asnjëra nuk arriti ta gjente rrjetën dhe pjesa e parë u mbyll 0-0.
Pas pushimit, loja u bë më e hapur dhe rastet u shtuan, ndërsa u shënuan edhe tri gola. Drita kaloi në epërsi që në minutën e parë të pjesës së dytë, kur Vesel Limaj realizoi me një goditje të bukur nga distanca.
Në minutën e 50-të, Liridon Balaj shfrytëzoi një gabim të Benjamin Eminit për të dyfishuar epërsinë e mysafirëve.
Llapi u rikthye në lojë në minutën e 77-të. Arbnor Aliu shënoi një gol spektakolar nga larg, duke e ngushtuar rezultatin në 1-2. Pavarësisht rasteve të tjera, rezultati nuk ndryshoi dhe Drita siguroi fitoren.
Me tri pikët, Drita ngjitet në vendin e tretë me 17 pikë, ndërsa Llapi mbetet i nënti, me vetëm katër pikë.
Në ndeshjen e ardhshme, gjilanasit do të luajnë në udhëtim ndaj Prishtinës, kurse llapjanët do të përballen jashtë fushe me Gjilanin.
Një incident ka ndodhur në Klinikën për Gjinekologji dhe Obstetrikë në Shkup, ku një foshnje dy ditëshe i është prerë…
Njësia për Luftimin e Korrupsionit pranë Departamentit për Shtypjen e Krimit të Organizuar dhe të rëndë, në Prokurorinë Themelore Publike…
Vazhdojnë ende disktutimet në Kuvend për projektbuxheti e vitit 2027, i cili është bërë objekt diskutimesh dhe kritikash, ku deputetët…
Prindërit e Francesco Gianello, 14-vjeçarit që humbi jetën nga një tumor pasi nuk mori në kohë trajtimin mjekësor, janë dënuar…
Vazhdon protesta e studentëve dhe e qytetarëve kundër qeverisë. Pasi kanë protestuar përpara parlamentit, qytetarët tashmë po marshojnë drejt Kryeministrisë.…
Ka filluar intervistimi i kryetarit të Komunës së Pejës, Gazmend Muhaxheri, nga Komisioni Hetimor Parlamentar, i cili po heton veprimet…