Pas hapjes spektakolare mbrëmjen e djeshme në “Olimpiko” të Romës, Kampionati Evropian vazhdon sot me tre ndeshje që luhen në grupet A dhe B.
Të parët në fushë (ora 15:00) do të jenë futbollistët e Uellsit dhe Zvicrës që janë në Grupin A së bashku me Italinë dhe Turqinë të cilët mbrëmë luajtën mes tyre (3: 0).
Zviceranët, ku luajnë dhe disa shqiptarë, me Granit Xhakën që mban shiritin e kapitenit, shihen si favorit në këtë duel i cili do të luhet para 35,000 spektatorëve në stadiumin “Olimpik” në Baku. Ndryshe nga Uellsi, të cilët kanë patur luhatje në formë kohët e fundit, zviceranët kanë festuar në gjashtë ndeshjet e fundit, duke përfshirë ndeshjet e Ligës së Kombeve, kualifikueset e Kupës së Botës dhe ndeshjet miqësore, dhe janë në një humor të shkëlqyer për duelin e sotëm.
Danimarka dhe Finlanda do të hapin kompeticionin në Grupin B në orën 18:00 në një ndeshje që do të luhet para t 25,000 spektatorëve në “Parken Stadium” në Kopenhagen. Danimarka është favorit i madh në këtë ndeshje dhe ne mund të shohim forcën e kësaj kombëtareje në ndeshjen e fundit kur ata mundën Bosnjen në një ndeshje miqësore (2-0). Në prag të kampionatit, finlandezët pësuan tre humbje radhazi në ndeshjet miqësore, kështu që është e diskutueshme sa mund të bëjnë në këtë takim.
Ndeshjen më interesante e ditës së sotme, është ajo mes Belgjikës dhe Rusisë në orën 21:00. Kjo ndeshje luhet në “Gazprom Arena” në Shën Petersburg para 34,000 spektatorësh.
Belgjika është një nga favoritët e turneut, dhe në 9 ndeshjet e fundit të luajtura para fillimit të EURO-s ka fituar 7 prej tyre.
Mirëpo, belgët kanë probleme me dëmtimet, kështu që De Bruyne dhe Witsel nuk do të luajnë sonte. Nga ana tjetër, rusët do të jenë pa Mostovoy, dhe në prag të kampionatit patën luhatje në formë, dhe në ndeshjen e sotme përballë një kundërshtari si Belgjika do ta kenë mjaft të vështirë.
Programi i ditës së dytë të Kampionatit Europian:
15:00 / Uells – Zvicër
18:00 / Danimarkë – Finlandë
21:00 / Belgjikë – Rusi
Vijon të jetë ende aktiv zjarri në Delvinë, teksa gjatë pasdites flakët kanë përparuar në fshatin Kalasë. Burime bëjnë me…
Mësuesja e kamarierit 18-vjeçar që u dhunua nga oficeri i policië në Vlorë ka reaguar pas ngjarjes tronditëse. Mësuesja Vali…
Shtatë kandidatët e mbetur në garë për kreun e Byrosë Kombëtare të Hetimit (BKH) kanë zhvilluar ditën e enjte dhe…
Një 20-vjeçar nga Maqedonia e Veriut i cili ndodhej me pushime në Sarandë është gjetur pa shenja jete nga familjarët.…
Moderatorja Erjona Rusi ishte e ftuara e puntatës së fundit të këtij sezoni në emisionin që vetë ajo ka moderuar…
Një punëtor 58-vjeçar, Petrit Alkollari është dëmtuar gjatë punës në një kantier ndërtimi në Paskuqan dhe ndodhet në spital. Për…