Di Maria ndezi tregun europian të transferimeve me një “like”: Ja ku duhet të vazhdojë karrierën

Duket se ka ardhur koha që Angel Di Maria të luajë për një tjetër klub  të madh evropian.  Në fund të sezonit, Di Marias i skadon kontrata me PSG-në.

Edhe pse 34 vjeç, argjentinasi është ende ndër më të mirët në pozicionin e tij dhe nuk do të shqetësohet për të ardhmen e tij. Ai tashmë ka një ofertë serioze në tavolinë dhe angazhimi i tij i ri është afër realizimit.

Nëse duhen besuar informacionet nga Italia, klubi i ri i Di Marisë do të jetë Juventusi dhe me një “like” në Instagram, anësori konfirmoi edhe transferimin e mundshëm në radhët e “zonjës së vjetër”.

Juventus ka publikuar fanellën për sezonin e ardhshëm, ndërsa interesant është fakti se Di Maria ishte në grupin e lojtarëve që klikuan “Më pëlqen” në kompletin e ri të fanellave të “Bianconerëve”.

Klubi torinez sigurisht që është shumë i interesuar për 34-vjeçarin argjentinas dhe tashmë janë vendosur kontakte me menaxherin Georges Mendes.

Sipas disa informacioneve, ai do të kishte një pagë prej 7 milionë euro plus bonuse në vit, por nuk dihet kohëzgjatja e kontratës.

“Ideja ime është të luaj edhe një vit në Evropë dhe të përgatitem për Kupën e Botës dhe më pas të kthehem në Argjentinë”, tha Di Maria pak ditë më parë.

Një nga anësorët më të mirë të brezit të tij në “kontinentin e vjetër” luan prej 15 vitesh. Më parë ka veshur fanellat e Benfica-s, Real Madridit dhe Manchester United-it. /albeu.com/