Dënimi përfundimtar për Gareth Bale

Sërish pa minuta. Aësori uellsian Gareth Bale duket krejtësisht i humbur për kauzën e Real Madridit.

Skuadra e drejtuar nga Carlo Ancelotti shënoi tre pikë të rëndësishme kundër Granadës në garën e tyre në La Liga dhe tani ata kanë një avantazh prej gjashtë pikësh ndaj Sevillas, rivalit të tyre më të afërt.

Ndeshja shërbeu edhe për të sqaruar një realitet në shtëpinë e bardhë: Gareth Bale nuk hyn në planet e Carlo Ancelottit. Së fundmi u rikthye në skuadër pas tejkalimit të problemeve fizike, anësori 32-vjeçar uellsian nuk ka asnjë minutë në fushë prej muajsh.

Dje, kur skuadrës i nevojitej një sërë fytyrash të reja me të cilat të aktivizonte sulmin, trajneri italian vendosi të vinte bast për Eden Hazard dhe Luka Jovic, futbollistë që nuk kishin minuta më parë kundër Athletic Bilbaos në Kupën e Mbretit, por dje kishin shansin e tyre. Edhe pse asnjëri prej tyre nuk arriti të shihte derën, si belgu ashtu edhe ballkanasit e përmirësonin performancën që kishte ofruar skuadra.

Ai që nuk ka pasur asnjë minutë ka qenë Gareth Bale i lartpërmendur, gjë që e bën shumë të qartë situatën e komplikuar që aktualisht po përjeton Real Madridi.

Me një kontratë që zgjat deri më 30 qershor 2022 dhe spekulime për destinacione të pafundme të mundshme, nuk ka dyshim se ish-lojtari i Tottenham do të ketë disa muaj të komplikuar përpara lamtumirës. /albeu.com/