Barcelona zgjodhi të transferojë Anthony Gordonin dhe jo Marcus Rashfordin, ndërsa drejtori sportiv i klubit, Deco, ka shpjeguar arsyet pas këtij vendimi që shkaktoi diskutime të shumta gjatë kësaj vere.
None found
Rashfordi iu bashkua Barcelonës në huazim për një sezon në korrik të vitit të kaluar dhe zhvilloi një sezon pozitiv, duke realizuar 14 gola dhe 14 asistime në të gjitha garat.
Performancat e sulmuesit anglez e bindën edhe trajnerin Hansi Flick, por klubi katalunas vendosi të mos e shfrytëzonte opsionin për blerjen e tij për 30 milionë euro.
Në vend të Rashfordit, Barcelona shpenzoi 80 milionë euro për Gordonin, i cili e ka nisur në mënyrë mbresëlënëse aventurën në “Camp Nou”. Ai ka dhuruar pesë asistime në katër paraqitjet e para në La Liga.
Deco theksoi se Barcelona e vlerëson kontributin e Rashfordit, megjithatë sipas tij profili i Gordonit përputhet më mirë me kërkesat e skuadrës.
“Jemi jashtëzakonisht mirënjohës ndaj Rashfordit. Ai kontribuoi shumë sezonin e kaluar, por ideja jonë e lojës lidhet më shumë me Anthony”, deklaroi Deco.
“Stili i tij përshtatet me atë që kërkon trajneri. Ne e shohim çdo stërvitje dhe e analizojmë ekipin”, shtoi ai.
Sipas drejtorit sportiv, Barcelona kërkonte të rriste intensitetin e lojës, veçanërisht në takimet ku Raphinha nuk ishte i disponueshëm.
“Një nga aspektet ku patëm vështirësi sezonin e kaluar, pa Raphinhan, ishte se energjia e ekipit binte. Na duhej më shumë intensitet”.
“Analizuam shumë sulmues krahu. Të transferosh dikë nga Liga Premier është pothuajse e pamundur, por Flick e kishte të qartë atë që dëshironte dhe prej aty punuam për marrëveshjen”, përfundoi ai.
Paris Saint-Germaini ka marrë një lajm të keq në ndeshjen si mysafir ndaj Nice, pasi sulmuesi anësor Desire Doue është…
Prokuroria Themelore Publike në Manastir ka ngritur aktakuzë ndaj një personi për lëndim trupor gjatë ushtrimit të dhunës në familje.…
Kryeministri Hristijan Mickoski thotë se bota po përballet me krizën më të madhe energjetike në histori, ndërsa shpreh shqetësimin se…
Deputeti i PD-së Edi Paloka, i ftuar në emisionin Kjo Javë në News24 komentoi përplasjen mes kryeministrit Edi Rama dhe…
Partizani - Vllaznia PARTIZANI 0-0 VLLAZNIA “Abissnet Superiore”: Java 12Stadiumi: “Air Albania”Arbitër: Laver Alla FORMACIONET ZYRTARE:PARTIZANI: Qirko; Atanaskoski, Janjeva, Ismaili, Jovicic, Human,…
Presidenti ukrainas Volodymyr Zelensky ka përsëritur dëshirën e Ukrainës për t'u anëtarësuar në NATO, duke e cilësuar këtë hap si…