Kriza mes Richarlisonit dhe trajnerit të Tottenhamit, Roberto De Zerbi, po bëhet gjithnjë e më e dukshme, teksa përplasja mes tyre tashmë është shfaqur publikisht.
None found
Fillimisht, tekniku italian nuk e përfshiu sulmuesin brazilian në skuadrën e Tottenhamit për ndeshjen e Ligës Premier. Më pas, De Zerbi mori një tjetër vendim të rëndësishëm, duke e lënë Richarlisonin jashtë edhe listës së lojtarëve që udhëtuan drejt Liverpoolit për sfidën e Carabao Cup.
Ky qëndrim i trajnerit vjen në një periudhë të vështirë për “Spurs”, të cilët kanë pasur probleme të mëdha në sulm. Tottenham nuk ka shënuar në katër ndeshjet e para të Ligës Premier, çka ka shtuar dyshimet rreth vendimeve të De Zerbit për repartin ofensiv.
Vendimi duket edhe më befasues duke pasur parasysh se Richarlison e mbylli sezonin e kaluar si golashënuesi më i mirë i Tottenhamit, me 12 gola. Për më tepër, ai e nisi si titullar ndeshjen hapëse kundër Brentfordit.
Megjithatë, situata e brazilianit ndryshoi gjatë verës. Atij iu komunikua se duhej të largohej dhe të gjente një skuadër të re, por në fund transferimi nuk u realizua.
Richarlison shpresonte se përballja e Carabao Cup do t’i ofronte mundësinë për të rikthyer minutat në fushë. Mirëpo, De Zerbi vendosi ta përjashtonte përsëri nga skuadra, duke shkaktuar zemërimin e sulmuesit.
Pasi në rrjetet sociale u publikuan komentet e trajnerit për këtë vendim, Richarlison reagoi ndaj një postimi në Instagram. Në fillim, ai vendosi një emoji duke qarë, duke shfaqur hapur frustrimin e tij.
Më pas, braziliani e publikoi të njëjtin postim në profilin personal dhe e shoqëroi me vetëm një fjalë: “Pse?”.
Reagimi i tij është interpretuar si një tregues i qartë i tensioneve me trajnerin italian, ndërsa e ardhmja e Richarlisonit në radhët e Tottenhamit po bëhet gjithnjë e më e pasigurt.
Gjatë afatit kalimtar të verës, si destinacione të mundshme për sulmuesin ishin përmendur Evertoni, Trabzonspori dhe Vasco da Gama, por asnjëra prej këtyre lëvizjeve nuk u konkretizua.
Këtë të diel një dollar dollar amerikan, blihet me 81 lekë dhe shitet me 82 lekë. Euro, blihet me 90.5…
Ditën e sotme vendi ynë, pritet të ndikohet nga kushte atmosferike të paqëndrueshme. Moti parashikohet me vranësira mesatare dreri të…
Dashi Ditë paksa e lodhshme për shkak të një Hëne disi problematike. Nuk ka asgjë për t’u shqetësuar, pasi tetori…
Volkswagen ka vendosur të pezullojë përkohësisht zhvillimin e modelit të ri elektrik ID. Golf, në kuadër të përpjekjeve për të…
Barcelona po shqyrton mundësinë e përforcimit të repartit defensiv gjatë afatit kalimtar të janarit, ndërsa në listën e emrave të…
Një ngjarje e rëndë ka tronditur Kaliforninë në SHBA, ku një 31-vjeçare shtatzënë ka humbur jetën pas të shtënave me…