De Jong në krye: Dhjetë transferimet rekord të futbollistëve holandezë

Frenkie de Jong mbetet transferimi më i kushtueshëm i një futbollisti holandez, ndërsa Matthijs de Ligt dhe Virgil van Dijk renditen pas tij në klasifikimin e dhjetë lëvizjeve më të shtrenjta.

Kalimi i De Jong nga Ajaxi te Barcelona, me vlerë 86 milionë euro, e vendos mesfushorin në krye të listës historike.

Vetëm 500 mijë euro më pak kushtoi transferimi i Matthijs de Ligt nga Ajaxi te Juventusi, që e pozicionon atë të dytin me 85.5 milionë euro. Në vendin e tretë është Virgil van Dijk, për të cilin Liverpooli i pagoi Southamptonit 84.7 milionë euro.

Renditja vijon me një tjetër lëvizje të De Ligt, këtë herë nga Juventusi te Bayern Munich. Mbrojtësi kaloi te klubi gjerman për 67 milionë euro dhe zë vendin e katërt.

Xavi Simons është i pesti, pas transferimit nga RB Leipzig te Tottenham Hotspur për 65 milionë euro. Në gjashtëshen e parë përfshihet edhe Crysencio Summerville, i cili u largua nga Ëest Ham drejt Al Hilal për 64.5 milionë euro.

Tijjani Reijnders renditet i shtati falë kalimit nga Milan te Manchester City, një marrëveshje e vlerësuar në 61 milionë euro.

Tre pozicionet e fundit plotësohen nga Jan Paul van Hecke me 60 milionë euro, Teun Koopmeiners me 58.4 milionë euro dhe sërish Tijjani Reijnders, transferimi i mëparshëm i të cilit nga AZ te Milani kushtoi 54.9 milionë euro.

Në total, katër prej dhjetë transferimeve kryesore lidhen me futbollistë që u larguan nga klubet holandeze. Megjithatë, rekordi vazhdon t’i përkasë Frenkie de Jong.