Cubarsi nis përgatitjet për provimin pranues në universitet

Barcelona nuk ka mungesë yjesh të rinj dhe premtues, me Lamine Yamal që udhëheq brezin e ri në “Camp Nou”.

Por menjëherë pas tij vjen një tjetër talent i jashtëzakonshëm: Pau Cubarsí, i cili këtë verë ka mbushur vetëm 18 vjeç, por tashmë numëron katër trofe në karrierë.

Cubarsí u bashkua me ekipin e parë disa muaj pas Yamalit, në janar të sezonit të kaluar, nën drejtimin e Xavi Hernandez, dhe që nga ajo kohë ka qenë një titullar i rregullt.

Edhe pse humbi për pak vendin në skuadrën e Spanjës për Euro 2024, ai fitoi medalje ari në Lojërat Olimpike me kombëtaren spanjolle.

Sipas Cadena SER, ndryshe nga shumica e bashkëlojtarëve të tij që po pushojnë në Ibiza, Cubarsí do të jetë i “mbyllur” në një klasë mësimore këtë verë, duke ndjekur rrugën e Lamine Yamalit që verën e kaluar bënte provime gjatë Euro 2024. Cubarsí ka ndërtuar orarin e studimeve rreth angazhimeve të tij futbollistike.

Këtë verë ai do të japë provimin e pranimit në universitet (Selectividad) në Universitetin Autonom të Barcelonës (UAB), me qëllimin për të ndjekur studime në biznes dhe ekonomi, pasi ka përfunduar shkollën e mesme.

Ai e bën këtë në një moment kur, sipas vlerësimeve të Transfermarkt, është një nga qendërmbrojtësit më të vlefshëm në botë, së bashku me Alessandro Bastoni dhe William Saliba – të tre vlerësohen me nga 80 milionë euro.

Cubarsí ka qenë një shtyllë në mbrojtjen e Barçës, duke formuar një dyshe të besuar me Iñigo Martínez.