Club Brugge triumfon ndaj Interit, Tresoldi protagonist me tre gola

Club Brugge regjistroi një fitore 3-4 në transfertë përballë Interit, në ndeshjen e vlefshme për xhiron e dytë të fazës së ligës së Ligës së Kampionëve.

Pavarësisht se “Neurazzurët” konsideroheshin favoritë, skuadra belge arriti të largohej me tri pikë nga kjo përballje.

Avantazhin për Brugge e vendosi Nicolo Tresoldi, i cili realizoi nga penalltia në minutën e 30-të.

Interi reagoi para përfundimit të pjesës së parë, kur Lautaro Martinez shfrytëzoi asistimin e bukur të Dimarcos dhe barazoi rezultatin në minutën e 44-t.

Brugge e rifitoi epërsinë në minutën e 63-të, sërish me Tresoldin, këtë herë pas pasimit të Forbs.

Shtatë minuta më vonë, Tresoldi shënoi edhe golin e tretë personal, duke kompletuar het-trikun dhe duke e bërë mbrëmjen e tij të paharrueshme.

Martinez riktheu shpresat e Interit me golin e dytë të tij në këtë takim, të shënuar në minutën e 81-të.

Megjithatë, Vermant e zgjeroi sërish epërsinë e Brugge në minutën e 87-të, pas asistimit të dytë të Forbs.

Skuadra italiane arriti të shënojë vetëm edhe një herë, me të inkuadruarin Bonny në minutën e 90+3-të, duke vendosur rezultatin përfundimtar 3-4.

Pas dy xhirove, Brugge numëron tre pikë, ndërsa Interi mbetet pa pikë.