Cristiano Ronaldo thyen rekordin Guinness me shifrat e kanalit të tij në YouTube

Kanali i Cristiano Ronaldos në YouTube theu rekorde që në fillim, duke fituar një milion ndjekës brenda 90 minutave nga fillimi i tij – një rekord botëror për grumbullimin më të shpejtë të abonentëve në një kohë kaq të shkurtër. Deri të enjten, numri i abonentëve ishte rritur në 16.7 milionë, një tregues i qartë i tërheqjes së gjerë të Ronaldos në demografi të ndryshme.

Ndjekësit e kanalit, të quajtur “SIUUUbscribers” pas festimit ikonik të golit të Ronaldos “Siuuuu”, kanë kontribuar për ta bërë atë një nga kanalet YouTube me rritjen më të shpejtë në mbarë botën.

Brenda 10 ditëve nga hapja e kanalit, ai grumbulloi 53 milionë abonentë dhe hyri në librin e Guinness si personi me numrin më të madh të abonentëve të fituar brenda 24 orëve.

“Dominimi i Cristiano Ronaldos në rrjetet sociale vazhdoi pasi iu dha titulli i rekordmenit të Guinness për numrin më të madh të abonentëve të fituar në YouTube brenda 24 orëve. Numri zyrtar nga YouTube prej 19,729,827 abonentësh u zbulua ekskluzivisht nga libri i rekordeve Guinness në fillim të kësaj jave”, njoftuan ata.

Përveç përmbajtjeve të lidhura me futbollin, futbollisti 39-vjeçar poston edhe video për stilin e jetesës, si ajo me partneren e tij Georgina Rodríguez, e cila tërhoqi vëmendjen e fansave pasi e quajti atë “gruan e tij”.