Vetëm disa orë pasi mbylli marrëveshjen e bujshme për Morgan Rogers nga Aston Villa, Chelsea e ka zhvendosur fokusin te një tjetër emër i spikatur i kampionatit anglez.
None found
Talenti anglez i mesfushës iu bashkua bluve të Londrës për shumën e 138 milionë eurove, duke vendosur një rekord të ri në futbollin britanik dhe duke nënshkruar një kontratë me afat gjashtëvjeçar.
Klubi i kryeqytetit ia doli të fitonte garën me Arsenalin për lojtarin 23-vjeçar, megjithëse “Topçinjtë” nuk arritën kurrë në fazën e paraqitjes së një propozimi formal.
Pagesa për Rogers përbën gjithashtu një rekord historik për Chelsean, që shpreson se ai do të formojë një dyshe të fuqishme në qendër të fushës me shokun e tij të ngushtë dhe ish-shokun e akademisë së Manchester Cityt, Cole Palmer.
Megjithatë, drejtuesit londinezë nuk po mendojnë të ndalen këtu.
Burime nga BBC Sport tregojnë se Chelsea ka ofruar rreth 76 milionë euro për mesfushorin e Bournemouthit, Alex Scott, por kjo ofertë nuk është pranuar.
Lajmi për këtë tentativë doli në dritë menjëherë pasi u zyrtarizua Rogers, çka nënvizon planin e klubit për të formuar një bosht të ri me lojtarë të rinj britanikë në mesfushë nën drejtimin e trajnerit Xabi Alonso.
Scott, 22 vjeç, shihet si një nga talentet më premtues në Premier Ligë. Ai pati një ndikim të rëndësishëm në fushatën e kaluar, duke kontribuar që Bournemouth të renditej në vendin e gjashtë dhe të arrinte për herë të parë në historinë e vet një vend në kompeticionet europiane.
Mesfushori mbeti jashtë listës finale të Anglisë për Kupën e Botës, por ishte grumbulluar në fazën përgatitore të kombëtares. Ai gjithashtu nuk zbriti në fushë në miqësoren e fituar 1-0 kundër Zelandës së Re, duke qëndruar në stol.
Për Scott kanë shfaqur interes edhe klube si Manchester City, Arsenal, Manchester United dhe Liverpool, ky i fundit tani i drejtuar nga ish-trajneri i Bournemouthit, Andoni Iraola.
Po ashtu, raportohet se lojtari ka refuzuar një propozim për të zgjatur kontratën, pavarësisht se marrëveshja e tanishme, e firmosur në vitin 2023, vlen edhe për dy sezone të tjera.
Ministria e Mbrojtjes ka dalë me një njoftim zyrtar lidhur më përditësimin e fundit rreth situatës së zjarreve në vend.…
Gjatë një patrullimi rutinë në rrugën “Zoran Gjingjiq” në Mitrovicën, Policia e Kosovës ka zbuluar veshje dhe pajisje ushtarake të…
Kryeministri i Greqisë, Kyriakos Mitsotakis, është dërguar në spitalin e Hanias të hënën, pasi u rrëzua nga biçikleta. [...]Read More...
Sipas Fondit për Sigurim Shëndetësor (FSSH), punonjësit e Ministrisë së Brendshme nuk kanë sigurim shëndetësor sepse nuk janë paguar kontributet…
Ilir Meta ka dalë kundër Reformës Territoriale dhe çdo ndërhyrjeje që prek Bashkinë e Fushë-Arrëzit, duke pretenduar se synimi për…
Ansu Fati ka zbuluar se ka ndier “edhe trishtim, edhe gëzim” pasi përfundoi transferimin e përhershëm nga Barcelona te Monaco…