Chelsea udhëton drejt Suedisë pa 4 “yje”

Pas fitores në kampionat ndaj Neëcastle në transfertë me shifrat 0-3, sukses që e mbajti Chelsea-n në vendin e parë të Premier League, blutë e Londrës do të kenë një tjetër transfertë këtë herë në gadishullin skandinav ndaj Malmo. Dueli përballë suedeze në Champions është shumë i rëndësishëm për skuadrën e Thomas Tuchel qëc kërkon të sigurojë kualifikimin për në 1/8-at sa më shpejt. Vazhdon të mbetet deri diku e njëjtë situate më të dëmtuarit te Chelsea edhe para kësaj sfide.

Romelu Lukaku dhe Timo Werner u dëmtuan pikërisht në ndeshjen e vajtjes para dy javëve ndaj Malmos në Stamford Bridge sfidë e fituar 4-0 nga Chelsea dhe siç e ka konfirmuar edhe trajneri Tuchel dy sulmuesit nuk do të jenë në dispozicion të skuadrës edhe për këtë transfertë ndërsa listës së mungesave u shtohen edhe Mateo Kovavic dhe Mason Mount i cili në orët e fundit nuk është ndierë mirë dhe nuk ka udhëtuar drejt Suedisë por mungesa e tij nuk ka lidhje me COVID-19 siç u aludua fillimisht. Megjithatë ka edhe një lajm të mirë për Chelsea-n teksa siç ka nënvizuar Tuchel, bluve u kthehet pas një kohë të gjatë amerikani Pulisic.