Chelsea piketon Alex Scott dhe Adam Wharton si zëvendësues të mundshëm të Enzo Fernandezit

Chelsea po shqyrton mundësinë e largimit të Enzo Fernandezit dhe, në rast se kjo ndodh gjatë këtij afati kalimtar, ka përcaktuar tashmë dy alternativa për mesfushën.

Sipas “The Guardian”, londinezët kanë identifikuar Alex Scott të Bournemouthit dhe Adam Wharton të Crystal Palace si kandidatë për ta zëvendësuar reprezentuesin argjentinas.

Manchester City është i interesuar për Fernandezit dhe pritet të paraqesë një ofertë për të gjatë pjesës së mbetur të afatit kalimtar të verës.

Nëse Fernandez largohet, Chelsea do ta rrisë shumën e kërkuar për të, pasi klubi do të duhet të sigurojë një lojtar të ri në atë rol.

Scott është një futbollist që pëlqehet shumë nga drejtuesit e Chelseat, të cilët u përpoqën ta transferonin gjatë kësaj vere. Megjithatë, Bournemouthi ua bëri të qartë në përpjekjen e parë se lojtari nuk është në shitje.

Edhe Crystal Palace nuk dëshiron të ndahet nga Wharton, emri i të cilit është lidhur me thuajse çdo klub të Ligës Premier.

Manchester City besohet të jetë klubi i fundit që ka kontaktuar Crystal Palace për mesfushorin, por nuk ka marrë asnjë sinjal inkurajues për të vazhduar negociatat.