Chelsea dhe Manchester Unitedi i thonë jo yllit të Arsenalit

Sipas The Telegraph, Chelsea dhe Manchester Unitedi kanë hedhur poshtë mundësinë për të siguruar shërbimet e talentit 19-vjeçar të Arsenalit, Myles Lewis-Skelly.

Arsenali raportohet se është i hapur ndaj largimit të lojtarit pas përforcimit të mesfushës me Bruno Guimaraes, ndërsa kartoni i tij mund të kushtojë rreth 45 milionë funte.

Chelsea, megjithatë, nuk dëshiron të hyjë në bisedime për këtë transferim, sidomos pasi shpenzimet e klubit gjatë kësaj vere kanë kaluar shifrën e 300 milionë funteve.

Edhe Manchester Unitedi po shqyrton alternativa të tjera për krahun e majtë. Një prej emrave që vazhdon të jetë në listën e klubit është Lewis Hall i Newcastle Unitedit.

Ndonëse e ardhmja e tij shoqërohet me pasiguri dhe interesim, Lewis-Skelly nuk duket i gatshëm të tërhiqet. Futbollisti i dalë nga akademia e Arsenalit synon të luftojë për pozicionin e tij në skuadrën e Mikel Artetas dhe t’i dëshmojë trajnerit se meriton një rol më të madh.

Raportimet më të fundit lënë të kuptohet se çështja ende nuk është mbyllur. Arsenali mund të pranojë shitjen e 19-vjeçarit, por vetë Lewis-Skelly dëshiron të vazhdojë te klubi dhe të konkurrojë për një vend në formacion.