Carroll zbulon prapaskenat e grumbullimeve të Anglisë: Rooney rrethohej nga birra, vera dhe cigaret

Andy Carroll ka rrëfyer episode të pazakonta nga koha kur ishte pjesë e kombëtares së Anglisë, duke treguar se si Wayne Rooney e kalonte kohën e lirë gjatë grumbullimeve të “Tre Luanëve” nën drejtimin e Fabio Capellos.

Detajet janë përfshirë në autobiografinë e ish-sulmuesit anglez, ku ai përshkruan një aspekt më pak të njohur të jetës së Rooneyt, i cili në atë periudhë ishte ndër lojtarët më të rëndësishëm të përfaqësueses dhe një prej yjeve të Manchester United.

Sipas Carroll, Rooney qëndronte në dhomën e hotelit duke pirë alkool, duke konsumuar cigare dhe duke ndjekur televizor.

“Gjatë grumbullimeve me Fabio Capellon, e gjeja të shtrirë në dhomën e tij, duke pirë duhan dhe alkool ndërsa shikonte televizor”, shkruan Carroll në librin e tij autobiografik.

“Në dhomë kishte paketa cigaresh, kuti birrash dhe shishe vere. Të gjitha këto ia sillte drejtori i hotelit”.

“Për të, kjo ishte një mënyrë për të larguar monotoninë. Ai zgjidhte të pinte disa pije alkoolike në vend që të qëndronte duke parë muret e dhomës”, ka treguar ish-sulmuesi i Anglisë.

Në atë periudhë, Rooney ishte një nga liderët e kombëtares angleze dhe mbante gjithashtu një rol të rëndësishëm te Manchester United, ku u bë një prej golashënuesve më të mirë në historinë e klubit.

Rrëfimi i Carroll tregon se si disa futbollistë e kalonin kohën larg fushës gjatë grumbullimeve të kombëtares, kur Anglia drejtohej nga italiani Fabio Capello.

Pavarësisht zakoneve të përmendura në këtë dëshmi, Rooney mbeti një prej lojtarëve më të rëndësishëm të gjeneratës së tij dhe një figurë qendrore e futbollit anglez.