Categories: sport

Carragher zgjedh favoritin për titullin e Ligës Premier dhe nxjerr jashtë garës dy klubet e mëdha

Jamie Carragher, ish-mbrojtësi i Liverpoolit dhe aktualisht analist futbolli, ka dhënë që tani parashikimin e tij për skuadrën që do të shpallet kampione e Ligës Premier në sezonin 2026/27.

Pas fitimit të titullit, Arsenali do të hyjë në sezonin 2026/27 si kampion për herë të parë që nga edicioni 2004/05, me synimin për të mbrojtur trofeun. Ndërkohë, nëntë klube të elitës angleze do ta nisin kampionatin me trajnerë të rinj, përfshirë Liverpoolin, Manchester Cityn, Newcastle United dhe Chelsean.

Të lidhura

None found

Në stolat e këtyre skuadrave kanë ndodhur ndryshime të rëndësishme. Xabi Alonso është emëruar trajner i Chelseat, ndërsa Andoni Iraola ka marrë vendin e Arne Slotit në Anfield. Te Newcastle, Matthias Jaissle ka pasuar Eddie Howen në St James’ Park, kurse Enzo Maresca është ngarkuar me misionin e vështirë për të drejtuar Manchester Cityn pas largimit të Pep Guardiolës.

Pavarësisht largimit të Guardiolës, Carragher parashikon se Maresca do ta fitojë kampionatin që në sezonin e parë në krye të Cityt. Sipas tij, skuadra iu afrua titullit edicionin e kaluar dhe e mbylli garën në vendin e dytë, edhe pse ishte larg nivelit të saj më të mirë.

“Mendoj se City [do ta fitojë ligën]. Arsyeja pse mendoj se City është se ata ishin afër vitin e kaluar. E di që Pep është larguar, e kuptoj këtë”, deklaroi fillimisht Carragher në podkastin Football Ramble.

Më pas, ish-futbollisti i Reds argumentoi pse, sipas vlerësimit të tij, as Liverpooli dhe as Manchester Unitedi nuk janë në gjendje ta fitojnë trofeun. Ai theksoi se skuadra e drejtuar nga Iraola, të paktën në këtë moment, nuk është ende gati për të luftuar deri në fund për titullin.

“Kush e di çfarë do të ndodhë gjatë muajit të ardhshëm, por nuk mendoj se janë afër kësaj”, u shpreh ai për mundësitë e Liverpoolit. Kur foli për Unitedin, Carragher ishte edhe më i prerë: “Manchester United nuk do ta fitojë ligën”.

Liverpooli do ta hapë sezonin e Ligës Premier më 23 gusht, në transfertë kundër Newcastle, ndërsa po në të njëjtën datë Unitedi do të presë Hullin në shtëpi.

të fundit

Video: drunk son approaches enraged bull in arena, mother rushes in to save him

Një nënë në Kolumbi është bërë virale në rrjetet sociale pasi u fut pa hezitim në një arenë demash për…

3 hours ago

Smart glasses and micro cameras in South Korea’s national exam, 111 candidates suspected of violations

Autoritetet në Korenë e Jugut kanë zbuluar 111 raste të dyshuara për shkelje të rregullave të provimit kombëtar të pranimit…

3 hours ago

VIDEO/ Djali i dehur i afrohet demit të tërbuar në arenë, nëna futet me vrap për ta shpëtuar

Një nënë në Kolumbi është bërë virale në rrjetet sociale pasi u fut pa hezitim në një arenë demash për…

3 hours ago

Syze inteligjente dhe mikrokamera në provimin kombëtar të Koresë së Jugut, 111 kandidatë dyshohen për shkelje

Autoritetet në Korenë e Jugut kanë zbuluar 111 raste të dyshuara për shkelje të rregullave të provimit kombëtar të pranimit…

4 hours ago

Propozimi i ri i Wenger për pozitën jashtë loje fokusohet te pjesa e sipërme e trupit

Arsene Wenger nuk ka hequr dorë nga ideja për ta ndryshuar rregullin e pozitës jashtë loje. Pasi propozimi i tij…

5 hours ago

Storms and snow” / weather forecast for the weekend and next week, here’s what meteorologists warn

Sinoptikania e Shërbimit Meteorologjik Ushtarak, Besa Sherollari, ishte sot në një lidhje të drejtpërdrejtë televizive, ku bëri parashikimin e motit…

5 hours ago