Manchester City u mposht në mënyrë të papritur para tifozëve të tij nga Brightoni, i cili fitoi 1-0 në përballjen e javës së nëntë të Ligës Premier.
Goli që vendosi takimin u shënua në minutën e 11-të. Pas një aksioni të rrjedhshëm të Brightonit, Maxim De Cuyper pasoi për Yasin Ayarin, i cili goditi saktë dhe e çoi topin në rrjetë për epërsinë 0-1.
None found
Vendasit kërkuan menjëherë përgjigjen, duke krijuar disa raste për barazim. Iliman Ndiaye rrezikoi në minutën e 22-të, por tentativa e tij me kokë përfundoi jashtë. Tetë minuta më vonë, Josko Gvardiol u rrëzua brenda zonës pas një përplasjeje me një lojtar kundërshtar, megjithatë arbitri vendosi të mos japë penallti.
Para pushimit, Brightoni pati një mundësi për ta thelluar avantazhin, ndërsa pas nisjes së pjesës së dytë Manchester City rriti ndjeshëm presionin për të gjetur golin e barazimit.
Në minutën e 52-të, Bart Verbruggen shpëtoi portën e Brightonit duke devijuar në shtyllë goditjen me kokë të Ndiayes. Portieri u shfaq përsëri vendimtar dhjetë minuta më pas, kur ndali edhe tentativën e Matheus Nunes.
Edhe në fazën përmbyllëse të takimit, City nuk hoqi dorë nga sulmet. Në minutën e 89-të, Verbruggen priti goditjen e Abdukodir Khusanovit. Topi i kthyer shkoi te Nico O’Reilly, por ai me kokë e dërgoi pranë shtyllës.
Brightoni e mbajti avantazhin deri në vërshëllimën e fundit dhe u largua me tri pikë të rëndësishme nga kjo ndeshje.
Megjithatë, disfata nuk e rrëzon Manchester Cityn nga kreu i renditjes, pasi skuadra vazhdon të ketë 21 pikë, të paktën deri në mbylljen e të gjitha ndeshjeve të kësaj xhiroje.
Teksa në Tiranë vijojnë protestat kundër qeverisë, kryeministri Edi Rama, ka zhvilluar një bisedë me një grup të rinjsh në…
Në Maqedoninë e Veriut kemi rënie të numrit të udhëtarëve që e shfrytëzojnë autobusin. Në tremujorin e tretë të këtij…
Ilir Daja, ekipi i Dinamos dhe Adrian BardhiSituata te Dinamo ka marrë trajtën e një “ekuacioni me shumë të panjohura”…
Pjesëtarë të Policisë së Kosovës janë vendosur pranë shtëpisë së ish-kryetarit të Kuvendit, Jakup Krasniqi, në lagjen Velania të Prishtinës,…
Francisco Moura shënoi një autogol të çuditshëm në një ndeshje të Kupës së Portugalisë kundër Paredes të nivelit të tretë,…
Ndonëse shoqëritë e tregtimit me shumicë e pakicë të hidrokarbureve mbizotërojnë në listën e më të mëdhave sipas të ardhurave,…