Brahim Diaz flet pas rikthimit te Milani

Brahim Diaz është i vetëdijshëm për rëndësinë e fanellës me numrin dhjetë te Milani dhe këmbëngul se ai do të japë më të mirën për Rossonerët.

21-vjeçari është kthyer në klub me një huazim dyvjeçar me një mundësi për Milanin që ta blejë në fund të marrëveshjes, derisa mori numrin e fanellës që i përkiste Hakan Calhanoglut sezonin e kaluar.

“Jam shumë i lumtur që jam përsëri në këtë klub të madh. Unë jam i kënaqur me atë që kemi arritur sezonin e kaluar, por tani fillon një sezon i ri dhe unë do të bëj më të mirën”, ka thënë spanjolli për Milan TV.

“Këto ngjyra meritojnë më të mirën time, atë që do ta jap”.

“Unë kurrë nuk do ta harroj ekipin tim në Milan sezonin e kaluar, 21 është një numër që më pëlqen, por gjithashtu më pëlqen shumë Nr. 10, është një numër unik në Milano, është një numër i rëndë që vjen me shumë përgjegjësi për shkak të rëndësisë të klubit dhe ngjyrave të tij”, vazhdoi i huazuari nga Real Madridi.

“Unë do të jap gjithçka për tifozët, por edhe që të jem i denjë për këtë klub të madh. Ndjej se mund të përmbush pritjet. Unë e dua këtë klub dhe do të bëj më të mirën për të”.

“Kam marrë numrin 10 sepse më pëlqen numri dhe jam i vetëdijshëm për rëndësinë e tij në Milano. Më motivon dhe frymëzon. Do të derdh gjakun, djersën dhe lotët për këtë klub të shkëlqyeshëm dhe do të luftoj për ta bërë atë një sezon të shkëlqyeshëm ”, ka shtuar më tej Diaz.