Një episod i pazakontë ka përfshirë sulmuesin e Spanjës, Borja Iglesias, gjatë Kupës së Botës 2026, pasi personeli i sigurisë në hotelin e kombëtares nuk e identifikoi dhe nuk e lejoi të hynte.
Pas sfidës së Spanjës ndaj Kepit të Gjelbër, trajneri Luis de la Fuente u dha futbollistëve një ditë të lirë për t’u çlodhur përpara ndeshjes së ardhshme me Arabinë Saudite.
None found
Iglesias zgjodhi të kalonte disa orë larg hotelit, por kur u rikthye u përball me një problem të papritur. Punonjësit e sigurisë nuk e njohën 33-vjeçarin dhe i kërkuan akreditimin, si edhe dëshmi që ishte pjesë e delegacionit të Spanjës.
“Unë jam lojtar i ekipit kombëtar të Spanjës. Duhet të futem në hotel”, u tha Iglesias në anglisht punonjësve të sigurisë.
Sipas raportimeve, tifozë dhe gazetarë që ndodheshin aty u përpoqën t’i bindnin efektivët se ai ishte me të vërtetë futbollist i përfaqësueses spanjolle, por çështja mori zgjidhje vetëm pasi Iglesias telefonoi një anëtar të delegacionit të Spanjës.
Në fund, sulmuesi i Celta Vigos mundi të hynte sërish në hotelin ku po qëndron kombëtarja spanjolle në Chattanooga, Tennessee.
Ndërkohë, Spanja po vijon përgatitjet për përballjen e radhës në Kupën e Botës ndaj Arabisë Saudite, ndërsa Borja Iglesias shpreson që me paraqitjet e tij në fushë të bëhet edhe më i njohur.
Dhënia e 4 milionë eurove nga qeveria shqiptare për të financuar koncertin e Kanye West ka tërhequr edhe vëmendjen e…
Qeveria duket se i ka vënë qëllim vetes të mbushë gjysmën e stadiumit ku do të mbahet koncerti i Kanye…
Nëse këtë mëngjes jeni ngritur nga shtrati vetëm pasi keni shtypur disa herë butonin për shtyrjen e alarmit në telefon…
Me thirrje për ruajtjen e së vërtetës historike, drejtësi për viktimat dhe kundërshtim të mohimit të krimeve, u shënua Dita…
Lamine Yamal ka dërguar një mesazh të fortë para gjysmëfinales së Kupës së Botës 2026 ndaj Francës, duke deklaruar se…
Një sulm me raketa ruse goditi Kievin në orët e para të mëngjesit, duke lënë të paktën gjashtë persona të…