Belgjika ka siguruar kualifikimin në 1/8 e finales të Kupës së Botës, pasi triumfoi 3:2 ndaj Senegalit pas vazhdimeve në një përballje dramatike të luajtur në Seattle.
Skuadra belge realizoi një rikthim të jashtëzakonshëm, edhe pse deri në minutën e 86-të gjendej dy gola në disavantazh.
None found
Njeriu vendimtar për “Djajtë e Kuq” ishte Youri Tielemans, që shënoi dy herë, mes tyre edhe golin e fitores nga penalltia në minutën e 125-të. Golin tjetër për Belgjikën e realizoi Romelu Lukaku, ndërsa për Senegalin në listën e golashënuesve u regjistruan Habib Diarra dhe Ismaila Sarr.
Senegali e nisi ndeshjen më mirë dhe krijoi mundësitë e para të rrezikshme. Belgët provuan për herë të parë në minutën e nëntë me Leandro Trossard, por pak çaste më pas Ismaila Sarr goditi shtyllën, duke përfituar edhe nga një reagim jo bindës i Thibaut Courtois.
Epërsia për përfaqësuesen afrikane erdhi në minutën e 25-të. Sadio Mane shërbeu për Sarr, tentativa e të cilit u ndal sërish nga shtylla, por Habib Diarra u gjend në vendin e duhur për ta dërguar topin në rrjetë dhe për ta kaluar Senegalin në avantazh.
Deri në mbyllje të pjesës së parë, Senegali mbeti skuadra më kërcënuese, ndërsa Yehvann Diouf ndali përpjekjet e Belgjikës, me ekipet që u drejtuan drejt pushimit në shifrat 1:0.
Edhe fillimi i pjesës së dytë ishte i pafavorshëm për Belgjikën. Në minutën e 51-të, Moussa Niakhaté dhuroi një pasim të shkëlqyer pas mbrojtjes belge dhe Ismaila Sarr e shfrytëzoi për të çuar rezultatin në 2:0.
Pas kësaj, trajneri i Belgjikës ndërhyri me zëvendësime, duke i nxjerrë nga loja Kevin De Bruyne dhe Jeremy Doku, ndërsa tensioni te belgët sa vinte dhe shtohej.
Kur dukej se Senegali po shkonte i qetë drejt kualifikimit, Belgjika reagoi fuqishëm. Në minutën e 86-të, Romelu Lukaku ngushtoi diferencën në 2:1 pas asistimit të Thomas Meunier, ndërsa vetëm tre minuta më vonë Youri Tielemans riktheu ekuilibrin me një goditje me kokë pas një daljeje të gabuar të portierit senegalez.
Në kohën shtesë, të dyja skuadrat patën mundësitë e tyre për të vendosur takimin. Senegali iu afrua golit me Mbaye, ndërsa te Belgjika, Dodi Lukebakio goditi shtyllën në minutën e 118-të.
Në momentin kur gjithçka të çonte te penalltitë, u shënua episodi vendimtar i ndeshjes. Pas ndërhyrjes së VAR-it në minutën e 119-të, Belgjikës iu dha një penallti për një faull ndaj Tielemans.
Mesfushori belg mori përsipër ekzekutimin dhe shënoi nga pika e bardhë në minutën e 125-të, duke vulosur suksesin 3:2 dhe duke i siguruar Belgjikës një vend mes 16 përfaqësueseve më të mira të Kupës së Botës.
120+5′ GOLI ME PENALLTI I TILEMANS: VIDEO
118′ PENALLTIA E FITUAR NGA TILEMANS: VIDEO
89′ GOLI I TILEMANS: VIDEO
85′ GOLI I LUKAKUT: VIDEO
51′ GOLI I SARR: VIDEO
25′ GOLI I DIARRA: VIDEO
Manchester United ka barazuar 1-1 me Fulhamin në kuadër të javës së pestë të Premierligës, në një ndeshje ku skuadra…
Nga LSDM sot kanë akuzuar qeverinë për një marrëveshje të re për matës të energjisë elektrike në vlerë rreth 13.2…
Sot shënohet dita e113-të e protestës qytetare. Ka nisur mbledhja e qytetarëve në sheshin “Skënderbej” nga ku protestuesit më pas…
Rezultate të vështira për partinë e kancelarit gjerman Friedrich Merz në dy zgjedhje rajonale në Gjermani. [...] Read More... The…
Ukraina ka përdorur për herë të parë raketën balistike të re “Pelican” (FP-7), gjatë një sulmi të gjerë gjatë natës…
Pas një sëmundjeje të rëndë dhe të gjatë, është ndarë nga jeta ish-luftëtari i Ushtrisë Çlirimtare të Kosovës, Blerim Hashani.…