Beckham tregon se transferimi i Messit në Miami ishte planifikuar shumë kohë përpara verës së 2023

Kalimi i Lionel Messit në Major League Soccer (MLS) ka shkaktuar tronditje në mbarë botën, pasi argjentinasi mund të luante ende në nivelet më të larta në futbollin evropian.

Shumë besojnë se largimi i yllit argjentinas nga PSG te Inter Miami ishte një zgjedhje mjaft e papritur, por familja Messit e kishte këtë opsion në tryezë për një kohë të gjatë – shumë përpara verës së 2023.

Në fakt, Inter Miami mezi ekzistonte kur babait dhe agjentit të Leos, Jorge, iu ofrua për herë të parë lëvizja në Miami.

Duke folur në podcastin “This Life of Mine” me James Corden, David Beckham foli se si ish- kapiteni i Barcelonës përfundoi duke luajtur futboll për Inter Miamin.

“Ne kishim folur me babanë e Leos për një kohë të gjatë… Para pesë vitesh”, ka thënë fillimisht Beckham.

“Unë dhe partneri im [bashkëpronari Jorge Mas] në Miami hymë fshehurazi në një hotel për të takuar babanë e Leos pesë vjet përpara se ai të nënshkruante për ne”.

“Ne patëm një takim me të, dhe unë i thashë, “Shiko, e di që Leo nuk është gati tani, por dua që djali juaj të luajë për klubin tim në të ardhmen””.

“Tani, ne e dinim atë muaj që duhej marrë një vendim, sepse Leo kishte njoftuar se po largohej nga PSG. Pra, në katër ose pesë të mëngjesit në Japoni, unë isha shtrirë në shtrat dhe telefoni im vazhdonte të binte, të binte, të binte. Më pas shoh, ‘Leo Messi ka vendosur të vijë në Miami’”.

“Ai lajm më pështjelloi. U ula në shtratin tim dhe fillova të qaj sepse sapo kemi nënshkruar me Leo Messin – lojtarin më të madh që ka luajtur ndonjëherë futboll”, përfundoi anglezi. /Telegrafi/